ஐஎல்டி20: ஷார்ஜா வாரியர்ஸை வீழ்த்தியது டெஸர்ட் வைப்பர்ஸ்!

ஐக்கிய அரபு அமீரகத்தில் நடைபெற்றுவரும் முதல் சீசன் இன்டர்நேஷ்னல் லீக் டி20 தொடர் விறுவிறுப்பாக நடைபெற்றுவருகிறது. இதில் நேற்று நடைபெறும் 23ஆவது லீக் ஆட்டத்தில் டெஸர்ட் வைப்பர்ஸ் - ஷார்ஜா வாரியர்ஸ் அணிகள் பலப்பரீட்சை நடத்தின.  ஷார்ஜா கிரிக்கெட் மைதானத்தில் நடைபெற்ற இப்போட்டியில் டாஸ் வென்ற டெஸர்ட் வைப்பர்ஸ் அணி முதலில் பேட்டிங் செய்வதாக அறிவித்தது.

அதன்படி களமிறங்கிய டெஸர்ட் வைப்பர்ஸ் அணியில் ஹலேக்ஸ் ஹேல்ஸ் 4 ரன்களிலும், காலின் முன்ரோ 11 ரன்களிலும் ஆட்டமிழக்க, மற்றொரு தொடக்க வீரரான முஸ்தஃபா 31 ரன்களில் ஆட்டமிழந்தார். இதையடுத்து வந்த சாம் பில்லிங்ஸ் 27 ரன்களிலும் விக்கெட்டை இழக்க இறுதியில் ஹாவெல் 34 ரன்களைச் சேர்த்து அசத்தினார்.

இதன்மூலம் 20 ஓவர்கள் முடிவில் டெஸர்ட் வைப்பர்ஸ் அணி 6 விக்கெட்டுகளை இழந்து 148 ரன்களைச் சேர்த்தது. ஷார்ஜா வாரியர்ஸ் அணி தரப்பில் ஜவதுல்லா, நூர் அஹ்மத் தலா 2 விக்கெட்டுகளைக் கைப்பற்றினர்.

இதையடுத்து இலக்கை நோக்கி களமிறங்கிய ஷார்ஜா வாரியர்ஸ் அணியில் ரஹ்மனுல்லா குர்பாஸ் ஒரு ரன்னிலும், டாம் கொஹ்லர் 15, மார்கஸ் ஸ்டொய்னிஸ், ஆடம் ஹோஸ் ஆகியோரும் சொற்ப ரன்களுக்கு விக்கெட்டை இழந்தனர். அதன்பின் வந்த ஜோ டென்லி ஒரு ரன்னிலும், பால் வால்க்கர் 27 ரன்களிலும், முகமது நபி ஒரு ரன்னிலும், நூர் அஹ்மத் 23 ரன்களிலும் விக்கெட்டை இழந்தனர். 

பின்னர் வந்த வீரர்களும் சொற்ப ரன்களுக்கு விக்கெட்டை இழக்க ஷார்ஜா வாரியர்ஸ் அணி 20 ஓவர்கள் முடிவில் 8 விக்கெட்டுகளை இழந்து 126 ரன்களை மட்டுமே எடுத்தது. டெஸர்ட் வைப்பர்ஸ் அணியில் லுக் வுட், வநிந்து ஹசரங்கா ஆகியோர் தலா 3 விக்கெட்டுகளைக் கைப்பற்றினார். 

இதன்மூலம் டெஸர்ட் வைப்பர்ஸ் அணி 22 ரன்கள் வித்தியாசத்தில் ஷார்ஜா வாரியர்ஸ் அணியை வீழ்த்தி அசத்தல் வெற்றியைப் பதிவுசெய்தது. இதன்மூலம் டெஸர்ட் வைப்பர்ஸ் அணி 12 புள்ளிகளுடன் புள்ளிப்பட்டியலில் முதலிடத்தைப் பிடித்துள்ளது.