IND vs SL,1st Test: விராட், விஹாரி நிதானம்!

இந்தியா - இலங்கை அணிகளுக்கு இடையேயான முதல் டெஸ்ட் போட்டி மொஹாலியில் இன்று தொடங்கியது. இப்போட்டியிலிருந்து இந்திய அணியின் டெஸ்ட் கேப்டனாக ரோஹித் சர்மா செயல்படவுள்ளார்.

அதன்படி இன்றைய போட்டியில் டாஸ் வென்ற இந்திய அணி முதலில் பேட்டிங் செய்ய தீர்மானித்து களமிறங்கியுள்ளது. மேலும் விராட் கோலி தனது 100ஆவது போட்டியிலும் பங்கேற்றார்.

இதையடுத்து இன்னிங்ஸைத் தொடங்கிய இந்திய அணியின் தொடக்க வீரர்கள் கேப்டன் ரோஹித் சர்மா - மயங்க் அகர்வால் இணை சிறப்பான ஆட்டத்தை வெளிப்படுத்தி ஸ்கோரை உயர்த்தினர்.

பின் 29 ரன்கள் எடுத்த நிலையில் ரோஹித் சர்மா ஆட்டமிழக்க, அவரைத் தொடர்ந்து 33 ரன்களில் மயங்க் அகர்வாலும் விக்கெட்டை இழந்தார்.

இதையடுத்து இந்திய அணியின் முன்னாள் கேப்டன் விராட் கோலி, ரசிகர்களின் கரகோஷங்களுடன் தனது 100ஆவது டெஸ்ட் போட்டியில் களமிறங்கினார்.

அவருடன் இணைந்த ஹனுமா விஹாரியும் சிறப்பான ஆட்டத்தை வெளிப்படுத்த இந்திய அணி 100 ரன்களைக் கடந்ததது. இதன்மூலம் முதல் நாள் உணவு இடைவேளையின் போது இந்திய அணி 2 விக்கெட்டுகளை இழந்து 109 ரன்களை எடுத்துள்ளது.

இந்திய அணி தரப்பில் விராட் கோலி 15 ரன்களுடனும், ஹனுமா விஹாரி 30 ரன்களுடனும் களத்தில் உள்ளனர்.