IND vs NZ, 2nd ODI: போட்டி முன்னோட்டம் & உத்தேச லெவன்!

இந்தியாவில் சுற்றுப்பயணம் செய்துவரும் நியூசிலாந்து அணி 3 போட்டிகள் கொண்ட ஒருநாள் மற்றும் டி20 தொடரில் விளையாடி வருகிறது. இதில் ஹைதராபாத்தில் நடைபெற்ற முதலாவது ஒருநாள் போட்டியில் இந்திய அணி நியூசிலாந்தை வீழ்த்தி அபார வெற்றியைப் பதிவுசெய்தது. 

இந்நிலையில் இரு அணிகளுக்கும் இடையேயான இரண்டாவது ஒருநாள் போட்டி இன்று ராய்ப்பூரில் நடைபெறுகிறெது. மொத்தம் 3 ஆட்டங்கள் கொண்ட இந்தத் தொடரில், முதல் ஆட்டத்தில் வென்றிருக்கும் இந்தியா, இந்த ஆட்டத்திலும் நியூஸிலாந்தை வீழ்த்தி தொடரைக் கைப்பற்றும் முனைப்பில் இருக்கிறது. மறுபுறம் நியூலிலாந்து அணி தொடரை தக்கவைக்க இந்த ஆட்டத்தில் வென்றாக வேண்டிய கட்டாயத்தில் இருக்கிறது.

இந்தியாவைப் பொருத்தவரை முதல் ஆட்டத்தில் இந்திய பேட்டிங் வரிசை முற்றிலுமாகச் சரிந்த நிலையில், ஷுப்மன் கில்லின் அதிரடி இரட்டைச் சதமே அணியின் பலமாக அமைந்தது. இந்த ஆட்டத்திலும் அவா் அதே உத்வேகத்துடன் களம் காணுவாா் என எதிா்பாா்க்கலாம். கோலி உள்ளிட்ட இதர பேட்டா்கள் கடந்த ஆட்டத்தில் சோ்க்கத் தவறிய ரன்களை இதில் சோ்க்க முயற்சிக்கலாம்.

பந்துவீச்சைப் பொருத்தவரை முகமது சிராஜ் மட்டுமே நியூஸிலாந்துக்கு சவால் அளித்திருக்கிறாா். முதல் 6 விக்கெட்டுகளை 131 ரன்களுக்கு இழந்த நியூஸிலாந்து, அடுத்த 4 விக்கெட்டுகளுக்கு மேலும் 206 ரன்கள் சோ்த்தது குறிப்பிடத்தக்கது. பௌலரான மிட்செல் சேன்ட்னா் அரைசதம் கடந்தது நினைவுகூரத்தக்கது. எனவே, இதர இந்திய பௌலா்களும் சோபிக்கும் பட்சத்தில் நியூஸிலாந்தை கட்டுப்படுத்துவது எளிதாகும்.

நியூஸிலாந்தைப் பொருத்தவரை, மைக்கேல் பிரேஸ்வெல் சதம் கடந்திருக்காவிட்டால் அந்த அணி மோசமாகத் தோற்றிருக்கும். அதை சரி செய்யும் விதமாக இந்த ஆட்டத்தில் இதர வீரா்களும் அணியின் ஸ்கோரை பலப்படுத்த முயற்சிப்பாா்கள் எனத் தெரிகிறது.

பந்துவீச்சில் ஹென்றி ஷிப்லி, லாக்கி ஃபொ்குசன், பிளோ் டிக்னா் போன்றோா் இந்திய பேட்டா்களை வீழ்த்த புதிய உத்தியை யோசிக்க வேண்டிய கட்டாயத்தில் இருக்கின்றனா்.

உத்தேச லெவன்

இந்தியா - ரோஹித் சர்மா (கே), சுப்மன் கில், விராட் கோலி, இஷான் கிஷன், சூர்யகுமார் யாதவ், ஹர்திக் பாண்டியா, வாஷிங்டன் சுந்தர், ஷர்துல் தாக்கூர்/உம்ரான் மாலிக், குல்தீப் யாதவ், முகமது ஷமி, முகமது சிராஜ்.

நியூசிலாந்து - ஃபின் ஆலன், டெவான் கான்வே, ஹென்றி நிக்கோல்ஸ், டேரில் மிட்செல், டாம் லாதம் (கே), க்ளென் பிலிப்ஸ்/இஷ் சோதி, மைக்கேல் பிரேஸ்வெல், மிட்செல் சான்ட்னர், ஹென்றி ஷிப்லி, லாக்கி ஃபர்குசன், பிளேர் டிக்னர்.

ஃபேண்டஸி லெவன் டிப்ஸ்

• விக்கெட் கீப்பர்கள் - டாம் லாதம்
• பேட்டர்ஸ் - விராட் கோலி, டெவான் கான்வே, சூர்யகுமார் யாதவ், ஷுப்மான் கில்
• ஆல்-ரவுண்டர்கள் - மைக்கேல் பிரேஸ்வெல், மிட்செல் சான்ட்னர், டேரில் மிட்செல்
• பந்துவீச்சாளர்கள் – குல்தீப் யாதவ், முகமது சிராஜ், ஷர்துல் தாக்கூர்/இஷ் சோதி