நியூசிலாந்து தொடரில் மீண்டும் களமிறங்கும் அஸ்வின்!

நியூசிலாந்து அணி இந்தியாவுக்குச் சுற்றுப்பயணம் செய்து 2 டெஸ்டுகள், 3 டி20 போட்டிகளில் விளையாடுகிறது. டி20 தொடர் நவம்பர் 17 அன்று தொடங்கி, நவம்பர் 21 அன்று நிறைவுபெறுகிறது. டெஸ்ட் தொடர் நவம்பர் 25-ல் தொடங்கி, டிசம்பர் 7 அன்று நிறைவுபெறுகிறது.

டி20 தொடருக்கான இந்திய அணி நேற்று அறிவிக்கப்பட்டுள்ளது. ரோஹித் சர்மா தலைமையிலான அணியில் தமிழ்நாடு வீரர் ரவிச்சந்திரன் அஸ்வினுக்கு வாய்ப்பு வழங்கப்பட்டுள்ளது. 

டி20 உலகக் கோப்பைப் போட்டியில் விளையாடிய அஸ்வின், 3 போட்டிகாளில் விக்கெட்டுகளை வீழ்த்தினார். நான்கு வருடங்களுக்குப் பிறகு இந்திய டி20 அணியில் இடம்பிடித்த அஸ்வின், உலகக் கோப்பையில் கிடைத்த வாய்ப்புகளைச் சரியாகப் பயன்படுத்தியதால் இந்திய டி20 அணிக்கு மீண்டும் தேர்வாகியுள்ளார். 

மேலும் கோலி, ஜடேஜா, பும்ரா, ஷமி ஆகியோருக்கு ஓய்வளிக்கப்பட்டுள்ளது. உலகக் கோப்பை அணியில் இடம்பெற்ற பாண்டியா, வருண் சக்ரவர்த்தி, ராகுல் சஹார், ஷர்துல் தாக்குர் ஆகியோர் இடம்பெறவில்லை. சுழற்பந்து வீச்சாளர் சஹால் மீண்டும் தேர்வாகியுள்ளார்.

Also Read: T20 World Cup 2021

டி20 தொடரில் ஜடேஜாவுக்கு ஓய்வு அளிக்கப்பட்டுள்ளதால் இந்திய அணிக்கு அஸ்வின் சஹாலும் அணியில் தேர்வாக அதிக வாய்ப்புள்ளது