2021ஆம் ஆண்டின் சிறந்த வீராங்கனையாக ஸ்மிருதி மந்தனா தேர்வு!

கடந்த வருடம் ஸ்மிருதி மந்தனா, 22 சர்வதேச ஆட்டங்களில் விளையாடி ஒரு சதம், 5 அரை சதங்களுடன் 855 ரன்கள் எடுத்தார். ஆஸ்திரேலியாவுக்கு எதிரான பகலிரவு டெஸ்டில் தனது முதல் டெஸ்ட் சதத்தை அடித்தார். டிரா ஆன அந்த ஆட்டத்தில் சிறந்த வீராங்கனையாகத் தேர்வானார். 

இந்நிலையில் 2021-ம் ஆண்டுக்கான சிறந்த வீராங்கனையாக மந்தனாவின் பெயரை அறிவித்துள்ளது ஐசிசி. கடந்த ஆண்டுக்கான சிறந்த டி20 வீராங்கனையாகவும் அவரைச் சமீபத்தில் ஐசிசி தேர்வு செய்தது. 2018-ல் சிறந்த வீராங்கனையாகவும் சிறந்த ஒருநாள் வீராங்கனையாகவும் மந்தனா தேர்வானார். இதன்மூலம் ஆஸ்திரேலிய ஆல்ரவுண்டர் எல்லீஸ் பெரிக்கு அடுத்ததாகச் சிறந்த வீராங்கனைக்கான விருதை இருமுறை வென்ற வீராங்கனை என்கிற பெருமையையும் அவர் அடைந்துள்ளார். 

மஹாராஷ்டிரத்தைச் சேர்ந்த 25 வயது மந்தனா, 2013 முதல் 4 டெஸ்ட், 62 ஒருநாள், 84 டி20 ஆட்டங்களில் விளையாடியுள்ளார்.