ஐபிஎல் திருவிழா 2021: கொல்கத்தா நைட் ரைடர்ஸ் vs டெல்லி கேப்பிட்டல்ஸ் போட்டி முன்னோட்டம், ஃபேண்டஸி லெவன் குறிப்பு!

ஐபிஎல் தொடரின் 14ஆவது சீசன் தொடங்கி ரசிகர்களின் எதிர்பார்ப்புகளை பூர்த்தி செய்து வருகின்றன. அதன்படி இன்று நடைபெறும் 25 வது லீக் ஆட்டத்தில் கொல்கத்தா நைட் ரைடர்ஸ் - டெல்லி கேப்பிட்டல்ஸ் அணிகள் பலப்பரீட்சை நடத்துகின்றன. இப்போட்டி அகமதாபாத்திலுள்ள நரேந்திர மோடி விளையாட்டரங்கில் இரவு 7.30 மணிக்கு தொடங்குகிறது.

போட்டி தகவல்கள்

• மோதும் அணிகள் - கொல்கத்தா நைட் ரைடர்ஸ் vs டெல்லி கேப்பிட்டல்ஸ்
• இடம் - நரேந்திர மோடி விளையாட்டரங்கம், அகமதாபாத்.
• நேரம் - இரவு 7.30 மணி

போட்டி முன்னோட்டம்

நடப்பாண்டு ஐபிஎல் தொடரில் இரு அணிகளும் இதுவரை 6 ஆட்டங்களில் விளையாடி, கொல்கத்தா 2 வெற்றிகளையும், டெல்லி 4 வெற்றிகளையும் பதிவு செய்துள்ளது.

கேகேஆரை பொறுத்தவரை, தொடர்ந்து 4 ஆட்டங்களில் தோல்வி கண்ட நிலையில் கடைசி ஆட்டத்தில் வென்றது, அந்த அணிக்கு நம்பிக்கையை ஏற்படுத்தியிருக்கிறது. இருப்பினும் கேகேஆர் அணிக்கு தொடக்க வீரர்கள்தான் பிரச்னையாக இருக்கிறது.

இளம் வீரரான சுப்மன் கில் இன்னும் தன்னுடைய பேட்டிங் திறனை நிரூபிக்கவில்லை. நதீஷ் ராணா ஒரு சில போட்டிகளில் மட்டுமே சிறப்பாக விளையாடுகிறார். பேட்டிங்கை பொறுத்தவரை ராகுல் திரிபாதி, இயான் மார்கன், தினேஷ் கார்த்திக் ஆகியோரை பெரிதும் நம்பியிருக்கிறது. ஆல் ரவுண்டர்களில் சுனில் நரைனும், ஆண்ட்ரே ரஸ்ஸலும் நம்பிக்கை அளிக்கின்றனர். பவுலிங்கில் வருண் சக்கரவர்த்தி, பிரசித் கிருஷ்ணா, பேட் கம்மின்ஸ் ஆகியோர் விக்கெட்டுகளை எடுக்க உதவுவார்கள்.

டெல்லியைப் பொறுத்தவரை ஹாட்ரிக் வெற்றியை பதிவு செய்திருந்த நிலையில், கடைசி ஆட்டத்தில் பெங்களூரிடம் ஒரு ரன்னில் தோற்றது. கேப்டன் ரிஷப் பந்த், ஷிம்ரன் ஹெட்மையர் கூட்டணி அந்த ஆட்டத்தில் அட்டகாசமாக விளையாடியிருந்தது. 

மிடில் ஆர்டரில் பந்த், ஸ்மித்துடன் தற்போது ஹெட்மையரும் நம்பிக்கை அளிக்கிறார். அதேபோல ஆல் ரவுண்டரில் மார்கஸ் ஸ்டொய்னிஸ் அசத்துகிறார். மேலும் பவுலிங்கை பொறுத்தவரை இஷாந்த் சர்மா, ரபாடா, அவேஷ் கானும் இருக்க, சுழற்பந்து வீச்சுக்கு அக்ஸரும், அமித்தும் தரமான சம்பவங்களை செய்தால் இன்றையப் போட்டி டெல்லி வசமாகும். 

நேருக்கு நேர்

ஐபிஎல் தொடரில் இரு அணிகளும் இதுவரை 26 முறை நேருக்கு நேர் மோதியுள்ளன. அதில் டெல்லி கேப்பிட்டல்ஸ் அணி 14 முறையும், கொல்கத்தா நைட் ரைடர்ஸ் அணி 12 முறையும் வெற்றி பெற்றுள்ளன.

உத்தேச அணி 

டெல்லி கேப்பிட்டல்ஸ்- பிருத்வி ஷா, ஷிகர் தவான், ரிஷப் பந்த், ஸ்டீவன் ஸ்மித், சிம்ரான் ஹெட்மையர், மார்கஸ் ஸ்டோய்னிஸ், அக்சர் படேல், அமித் மிஸ்ரா, ககிசோ ரபாடா, இஷாந்த் சர்மா, அவேஷ் கான்.

கொல்கத்தா நைட் ரைடர்ஸ் - நிதீஷ் ராணா, சுப்மான் கில், ராகுல் திரிபாதி, சுனில் நரைன், ஈயான் மோர்கன், தினேஷ் கார்த்திக், ஆண்ட்ரே ரஸ்ஸல், பாட் கம்மின்ஸ், சிவம் மாவி, பிரசீத் கிருஷ்ணா, வருண் சக்ரவர்த்தி

பிளிட்ஸ்பூல் ஃபேண்டஸி லெவன்

• விக்கெட் கீப்பர்கள் - ரிஷப் பந்த் , தினேஷ் கார்த்திக்
• பேட்ஸ்மேன்கள் - ஷிகர் தவான், ராகுல் திரிபாதி, ஈயான் மோர்கன், சிம்ரான் ஹெட்மையர்
• ஆல்ரவுண்டர்கள் - ஆண்ட்ரே ரஸ்ஸல், அக்சர் படேல்
• பந்து வீச்சாளர்கள் - ஆவேஷ் கான், பாட் கம்மின்ஸ், அமித் மிஸ்ரா