ஐபிஎல் 2021: சிஎஸ்கே உடனான வெற்றி குறித்து சாம்சன் ஓபன் டாக்!

அபுதாபியில் நேற்று நடைபெற்ற ஐபிஎல் லீக் ஆட்டத்தில் ராஜஸ்தான் ராயல்ஸ் அணி 7 விக்கெட் வித்தியாசத்தில் சென்னை சூப்பர் கிங்ஸ் அணியை வீழ்த்தி அசத்தியது. 

இப்போட்டியில் ராஜஸ்தான் அணியின் இளம் வீரர்கள் யஷஸ்வி ஜெய்ஸ்வால், ஷிவம் தூபே ஆகியோர் அதிரடியாக விளையாடி அரைசதம் அடித்ததுடன், அணியை வெற்றிபெற செய்தனர்.

இந்நிலையில் இந்த போட்டியில் பெற்ற வெற்றி குறித்து பேசிய ராஜஸ்தான் அணியின் கேப்டன் சாம்சன்,“எங்களுடைய பேட்டிங் லைனில் உள்ள பவர் எங்களுக்கு தெரியும். அதனால் தான் நாங்கள் எப்போது தோற்றாலும் சற்று வருத்தமாக இருக்கும். இந்த விக்கெட் கடைசி 3-4 ஓவர்களில் பேட்டிங்கிற்கு மிகவும் சிறப்பாக இருந்தது. நிச்சயம் இரண்டாவது இன்னிங்சில் இந்த இலக்கை எங்களால் துரத்த முடியும் என்று நாங்கள் நினைத்தோம்.

அதன்படி விளையாடியது மகிழ்ச்சி அளிக்கிறது. இரண்டாவது இன்னிங்ஸ் இன் போது எங்களுக்கு கிடைத்த ஓபனிங் பார்ட்னர்ஷிப் மிக அருமையான ஒன்று. பவர் பிளே ஓவர்களிலேயே அவர்கள் கிட்டத்தட்ட போட்டியை முடித்து கொடுத்துவிட்டனர். அவர்கள் இருவரும் விளையாடிய விதம் சென்னை அணியை முடக்கியது. அதிலும் குறிப்பாக ஜெய்ஸ்வால் விளையாடிய விதம் இந்த தொடர் முழுவதுமே சிறப்பாக உள்ளது. நிச்சயம் அவரால் இன்னும் பெரிய இடத்திற்கு செல்ல முடியும்.

Also Read: இந்திய அணியின் இங்கிலாந்து சுற்றுப்பயணம், 2021

அதோடு கடந்த இரண்டு மூன்று போட்டிகள் ஆகவே ஷிவம் துபேவை அணியில் எடுக்க ஆலோசித்து வந்தோம். அதன்படி இன்றைய நாள் அவருடைய நாளாக அமைந்தது. பயிற்சியின் போது எப்போதும் கடினமாக விளாசி பயிற்சி செய்யும் அவர் சிஎஸ்கே அணியும் வீழ்த்திவிட்டார். அவரை நினைக்கும் போது மகிழ்ச்சியாக இருக்கிறது” என்று தெரிவித்துள்ளார்.