ஐபிஎல் தொடரில் இன்று நடைபெற்ற லீக் போட்டியில் லக்னோ சூப்பர் ஜெயண்ட்ஸ் மற்றும் மும்பை இந்தியன்ஸ் அணிகள் பலப்பரீட்சை நடத்தின. லக்னோவில் உள்ள ஏக்னா கிரிக்கெட் மைதானத்தில் நடைபெற்ற இப்போட்டியில் டாஸ் வென்ற மும்பை இந்தியன்ஸ் அணி முதலில் பந்துவீசுவதாக அறிவித்தது.
அதன்படி களமிறங்கிய லக்னோ சூப்பர் ஜெயண்ட்ஸ் அணியின் தொடக்க வீரர்கள் மிட்செல் மார்ஷ் மற்றும் ஐடன் மார்க்ரம் இருவரும் அரைசதம் கடந்து அசத்தினர். இதில் மிட்செல் மார்ஷ் 60 ரன்களிலும், ஐடன் மார்க்ரம் 53 ரன்களிலும் என விக்கெட்டை இழக்க, அடுத்து களமிறங்கிய அதிரடி வீரர்கள் நிக்கோலஸ் பூரன் 12 ரன்களிலும், கேப்டன் ரிஷப் பந்த் 2 ரன்னிலும் என விக்கெட்டுகளை இழந்து ஏமாற்றமளித்தார். மேற்கொண்டு அதிரடியாக விளையாடிய ஆயூஷ் பதோனியும் 30 ரன்களில் நடையைக் கட்டினார்.
இறுதியில் டேவிட் மில்லர் 27 ரன்களைக் குவித்து ஆட்டமிழக்க, லக்னோ சூப்பர் ஜெயண்ட்ஸ் அணியானது 20 ஓவர்கள் முடிவில் 8 விக்கெட்டுகளை இழந்திருந்தாலும் 203 ரன்களைக் குவித்தது. மும்பை இந்தியன்ஸ் அணி தரப்பில் கேப்டன் ஹர்திக் பாண்டியா 5 விக்கெட்டுகளையும், டிரென்ட் போல்ட், அஷ்வானி குமார் மற்றும் விக்னேஷ் புதூர் ஆகியோர் தலா ஒரு விக்கெட்டை கைப்பற்றினர். இதனையடுத்து மும்பை இந்தியன்ஸ் அணி இலக்கை நோக்கி விளையாடி வருகிறது.
இந்நிலையில் இப்போட்டியில் அபார பந்துவீச்சை வெளிப்படுத்தியா மும்பை இந்தியன்ஸ் அணி கேப்டன் ஹர்திக் பாண்டியா தனது ஐபிஎல் கேரியரில் முதல் ஐந்து விக்கெட்டுகளை வீழ்த்தினார். இந்த போட்டியில் அவர் நிக்கோலஸ் பூரன், ரிஷப் பந்த், ஐடன் மார்க்ராம், டேவிட் மில்லர் மற்றும் ஆகாஷ் தீப் ஆகியோரை வெளியேற்றினார். இந்த செயல்திறனின் மூலம் ஐபிஎல் வரலாற்றில் ஐந்து விக்கெட்டுகளை வீழ்த்திய முதல் கேப்டன் என்ற சாதனையையும் படைத்துள்ளார்.
ஐபிஎல் தொடரில் கேப்டனாக சிறந்த பந்துவீச்சை வெளிப்படுத்திய வீரர்கள்
- 5/36 – ஹர்திக் பாண்டியா vs லக்னோ சூப்பர் ஜெயண்ட்ஸ், லக்னோ, 2025
- 4/16 – அனில் கும்ப்ளே vs டெக்கன் சார்ஜர்ஸ், ஜோஹன்னஸ்பர்க், 2009
- 4/16 – அனில் கும்ப்ளே vs டெக்க சார்ஜர்ஸ், நவி மும்பை, 2010
- 4/17 – ஜேபி டுமினி vs சன்ரைசர்ஸ் ஹைதராபாத், விசாகப்பட்டினம், 2015
- 4/21 – ஷேன் வார்ன் vs டெக்கன் சார்ஜர்ஸ், நாக்பூர், 2010
லக்னோ சூப்பர் ஜெயண்ட்ஸ் பிளேயிங் லெவன்: ஐடன் மார்க்ரம், மிட்செல் மார்ஷ், நிக்கோலஸ் பூரன், ரிஷப் பண்ட்(கேப்டன்), ஆயுஷ் பதோனி, டேவிட் மில்லர், அப்துல் சமத், ஷர்துல் தாக்கூர், திக்வேஷ் சிங் ரதி, ஆகாஷ் தீப், அவேஷ் கான்
இம்பாக்ட் வீரர்கள்: திலக் வர்மா, கார்பின் போஷ், ராபின் மின்ஸ், சத்யநாராயண ராஜு, கர்ண் ஷர்மா
மும்பை இந்தியன்ஸ் பிளேயிங் லெவன்: வில் ஜாக்ஸ், ரியான் ரிக்கல்டன், சூர்யகுமார் யாதவ், ஹர்திக் பாண்டியா(கேப்டன்), நமன் திர், ராஜ் பாவா, மிட்செல் சான்ட்னர், டிரென்ட் போல்ட், அஷ்வனி குமார், தீபக் சாஹர், விக்னேஷ் புதூர்.
Also Read: Funding To Save Test Cricket
இம்பாக்ட் வீரர்கள்: ரவி பிஷ்னோய், பிரின்ஸ் யாதவ், ஷாபாஸ் அகமது, எம் சித்தார்த், ஆகாஷ் சிங்.