டேல் ஸ்டெயின் சாதனையை முறியடித்த லுங்கி இங்கிடி!

Updated: Wed, Jul 16 2025 22:07 IST

Image Source: Google

Lungi Ngidi Record: நியூசிலாந்துக்கு எதிரான டி20 போட்டியில் லுங்கி இங்கிடி ஒரு விக்கெட்டை கைப்பற்றியதன் மூலம் சர்வதேச டி20 கிரிக்கெட்டில் தென் ஆப்பிரிக்க அணிக்காக அதிக விக்கெட்டுகளை வீழ்த்திய மூன்றாவது வீரர் எனும் பெருமையைப் பெற்றுள்ளார்.

ஜிம்பாப்வேவில் நடைபெற்று வரும் முத்தரப்பு டி20 தொடரில் இன்று நடைபெற்ற இரண்டாவது லீக் போட்டியில் நியூசிலாந்து - தென் ஆப்பிரிக்கா அணிகள் பலப்பரீட்சை நடத்தின. இப்போட்டியில் டாஸ் வென்று முதலில் பேட்டிங் செய்த நியூசிலாந்து அணியில் டிம் ராபின்சன் 75 ரன்களையும், பெவான் ஜேக்கப்ஸ் 44 ரன்களையும் சேர்த்தனர். இதன்மூலம் நியூசிலாந்து அணி 20 ஓவர்கள் முடிவில் 5 விக்கெட்டுகள் இழப்பிற்கு 173 ரன்களைச் சேர்த்தது.

அதன்பின் இலக்கை நோக்கி விளையாடிய தென் ஆப்பிரிக்க அணியில் டெவால்ட் பிரீவிஸ் 35 ரன்களையும், ஜார்ஜ் லிண்டே 30 ரன்களையும் சேர்த்ததை தவிர்த்து மற்ற வீரர்கள் சோபிக்க தவறியதன் காரண்மாக அந்த அணி 18.2 ஓவர்களில் அனைத்து விக்கெட்டுகளையும் இழந்து 152 ரன்களில் ஆல் அவுட்டானது. இதன்மூலம் நியூசிலாந்து அணி 21 ரன்கள் வித்தியாசத்தில் தென் ஆப்பிரிக்க அணியை வீழ்த்தி த்ரில் வெற்றியைப் பதிவுசெய்துள்ளது.

இப்போட்டியில் தென் ஆப்பிரிக்க அணி தோல்வியைத் தழுவிய நிலையிலும், அந்த அணி வேகப்பந்து வீச்சாளர் லுங்கி இங்கிடி சிறப்பு சாதனை படைத்துள்ளார். அதன்படி இப்போட்டியில் இங்கிடி நியூசிலாந்தின் டிம் செஃபெர்டின் விக்கெட்டை கைப்பற்றியதன் மூலம் சர்வதேச டி20 கிரிக்கெட்டில் தனது 65ஆவது விக்கெட்டை கைப்பற்றினார். இதன்மூலம் தென் ஆப்பிரிக்காவுக்காக அதிக டி20 விக்கெட்டுகளை வீழ்த்திய மூன்றாவது வீரர் எனும் பெருமையைப் பெற்றுள்ளார்.

முன்னதாக அந்த அணியின் முன்னாள் வீரர் டேல் ஸ்டெயின் 47 டி20 போட்டிகளில் விளையாடி 64 விக்கெட்டுகளை வீழ்த்தி மூன்றாம் இடத்தில் இருந்த நிலையில், தற்போது லுங்கி இங்கிடி 45 போட்டிகளில் 65 விக்கெட்டுகளை கைப்பற்றி மூன்றாம் இடத்திற்கு முன்னேறியுள்ளார். இந்த பட்டியலில் தென் ஆப்பிரிக்க அணியின் சுழற்பந்து வீச்சாளர் தப்ரைஸ் ஷம்ஸி 89 விக்கெட்டுகளை வீழ்த்தி முதலிடத்திலும், காகிசோ ரபாடா 71 விக்கெட்டுகளை வீழ்த்தி இரண்டாம் இடத்திலும் உள்ளது குறிப்பிடத்தக்கது.

டேல் ஸ்டெயின் சாதனையை முறியடித்த லுங்கி இங்கிடி!

Also Read: LIVE Cricket Score

தொடர்புடைய கிரிக்கெட் செய்திகள் ::

அதிகம் பார்க்கப்பட்டவை