சிபிஎல் தொடரிலிருந்து விலகிய மெக்கலம்!

கரீபியன் பிரீமியர் லீக் எனப்படும் வெஸ்ட் இண்டீஸின் உள்ளூர் டி20 தொடரான சிபிஎல் தொடர் ஆகஸ்ட் 26ஆம் தேதி முதல் தொடங்கவுள்ளது. இதற்காக தொடரில் பங்கேற்கும் அணிகள் தீவிரமாக தயாராகி வருகின்றன. 

மேலும் நடப்பாண்டு சிபிஎல் தொடரில் 50 விழுக்காடு பார்வையாளர்கள் அனுமதிக்கப்படுவர் என்றும் வெஸ்ட் இண்டீஸ் கிரிக்கெட் வாரியம் அறிவித்து ரசிகர்களை மகிழ்ச்சியில் ஆழ்த்தியுள்ளது.

இத்தொடரின்  நடப்பு சாம்பியன் டிரின்பாகே நைட் ரைடர்ஸ் அணியின் தலைமை பயிற்சியாளராக நியூசிலாந்தின் முன்னாள் கேப்டன் பிரண்டன் மெக்கலம் செயல்பட்டு வருகிறார்.

இந்நிலையில் கரோனா சூழல் காரணமாக அவரால் வெஸ்ட் இண்டீஸ் செல்வதில் போக்குவரத்து சிக்கல் ஏற்பட்டுள்ளதால், நடப்பு சீசனில் அவரல் பங்கேற்கமுடியாது என அந்த அணி தெரிவித்துள்ளது. இதையடுத்து டிரின்பாகோ நைட் ரைடர்ஸ் அணியின் தலைமை பயிற்சியாளராக இம்ரான் ஜன் நியமிக்கப்பட்டுள்ளார்.

டிரினிடாட் - டொபாகோ மற்றும் வெஸ்ட் இண்டீஸ் ஏ அணியின் கேப்டனாக இம்ரான் ஜன் செயல்பட்டுள்ளார் என்பது குறிப்பிடத்தக்கது.