மகளிர் டி20 கிரிக்கெட்டில் புதிய சாதனை படைத்த மேகன் ஷாட்!

ஐசிசி மகளிர் டி20 உலகக்கோப்பை கிரிக்கெட் தொடரின் நடப்பு சீசனி ஐக்கிய அரபு அமீரகத்தில் உள்ள துபாய் மற்றும் சார்ஜாவில் நடந்து வருகிறது. மொத்தம் 10 அணிகள் பங்கேற்றுள்ள இத்தொடரில் எந்த நான்கு அணிகள் அரையிறுதிச் சுற்றுக்கு முன்னேறும் என்ற எதிர்பார்ப்புகள் அதிகரித்துள்ளது.

இந்நிலையில், நேற்று நடைபெற்ற 14ஆவது லீக் ஆட்டத்தில் ஆஸ்திரேலியா மற்றும் பாகிஸ்தான் மகளிர் அணிகள் பலப்பரீட்சை நடத்தின. இப்போட்டியில் டாஸ் வென்ற ஆஸ்திரேலிய அணி முதலில் பந்துவீசுவதாக அறிவித்தது.  அதன்படி, முதலில் பேட் செய்த பாகிஸ்தான் அணி மகளிர் அணியானது ஆஸ்திரேலிய அணியின் பந்துவீச்சுக்கு ஈடுகொடுக்க முடியாமல் அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர். 

இதனால் பாகிஸ்தான் அணி 19.5 ஓவர்களிலேயே அனைத்து விக்கெட்டுகளையும் இழந்து  82 ரன்களுக்கு ஆல் அவுட்டானது. அந்த அணியில் அதிகபட்சமாக அலியா ரியாஸ் 26 ரன்களைச் சேர்த்தார். ஆஸ்திரேலிய அணி தரப்பில் ஆஷ்லே கார்ட்னர் 4 விக்கெட்டும், அன்னபெல் சதர்லேண்ட், ஜார்ஜியா வெர்ஹாம் ஆகியோர் தலா 2 விக்கெட் வீழ்த்தினர். இதனையடுத்து இலக்கை நோக்கி விளையாடிய ஆஸ்திரேலிய அணியில் பெத் மூனி 15 ரன்களில் விக்கெட்டை இழந்தார். 

பின்னர் இணைந்த அலீசா ஹீலி - எல்லிஸ் பெர்ரி இணை சிறப்பான ஆட்டத்தை வெளிப்படுத்தியதுடன் அணியின் ஸ்கோரையும் மளமளவென உயர்த்தினர். இதில் அலீசா ஹீலி 37 ரன்களையும், எல்லிஸ் பெர்ரி 22 ரன்களையும் சேர்த்து அணிக்கு வெற்றியைத் தேடிக்கொடுத்தான்ர். இதனூலம் ஆஸ்திரேலிய அணி 11 ஓவர்களிலேயே இலக்கை எட்டியதுடன் 9 விக்கெட் வித்தியாசத்தில் பாகிஸ்தான் அணியை வீழ்த்தி அசத்தல் வெற்றியைப் பதிவுசெய்து அசத்தியது. 

Also Read: Funding To Save Test Cricket

இந்நிலையில் ஆஸ்திரேலியாவின் அனுபவமிக்க வேகப்பந்து வீச்சாளர் மேகன் ஷட் பாகிஸ்தானுக்கு எதிரான லீக் போட்டியில் ஒரு விக்கெட்டை வீழ்த்தி வரலாறு படைத்தார். தற்போது சர்வதேச டி20 போட்டிகளில் அதிக விக்கெட் வீழ்த்திய வீராங்கனை எனும் பெருமையை  மேகன் ஷாட் பெற்றுள்ளார். முன்னதாக பாகிஸ்தானின் நிதா தார் 143 விக்கெட்டுகளை கைப்பற்றி முதலிடத்தில் இருந்த நிலையில், தற்போது மேகன் ஷாட் 144 விக்கெட்டுகளை கைப்பற்றி அச்சாதனை முறியடித்துள்ளார்.