ஐபிஎல் 2024: மும்பை இந்தியன்ஸ் vs டெல்லி கேப்பிட்டல்ஸ் - போட்டி முன்னோட்டம் & ஃபேண்டஸி லெவன் டிப்ஸ்!

இந்தியாவில் தொடங்கி விறுவிறுப்பாக நடைபெற்று வரும் ஐபிஎல் தொடரின் 17ஆவது சீசன் நாளுக்கு நாள் ரசிகர்களின் எதிர்பார்ப்புகளை அதிகரித்து வருகிறது. இதில் நாளை மறுநாள் நடைபெறும் 20ஆவது லீக் ஆட்டத்தில் ஹர்திக் பாண்டியா தலைமையிலான மும்பை இந்தியன்ஸ் அணியை எதிர்த்து ரிஷப் பந்த் தலைமையிலான டெல்லி கேப்பிட்டல்ஸ் அணி விளையாடவுள்ளது. நடப்பு ஐபிஎல் தொடரில் மும்பை இந்தியன்ஸ் அணி விளையாடிய அனைத்து போட்டிகளிலும் தோல்வியைத் தழுவியுள்ளதால் இப்போட்டியில் வெற்றிபெற்று வெற்றி பாதைக்கு திரும்பும் என்ற எதிர்பார்ப்புகள் அதிகரித்துள்ளன. 

போட்டி தகவல்கள்

• மோதும் அணிகள் - மும்பை இந்தியன்ஸ் vs ரிஷப் பந்த்
• இடம் - வான்கடே கிரிக்கெட் மைதானம், மும்பை
• நேரம் - மாலை 3.30 மணி

போட்டி முன்னோட்டம்

ஹர்திக் பாண்டியா தலைமையில் இந்த ஐபிஎல் சீசனை எதிர்கொண்டுள்ள மும்பை இந்தியன்ஸ் அணியானது இத்தொடரில் விளையாடிய முதல் மூன்று போட்டிகளிலுமே தோல்வியைத் தழுவி புள்ளிப்பட்டியலின் கடைசி இடத்திற்கு தள்ளப்பட்டுள்ளது. இதனால் அந்த அணி தங்களது முதல் வெற்றியைப் பதிவுசெய்யும் முனைப்புடன் இப்போட்டியை எதிர்கொள்ளவுள்ளது. அணியின் பேட்டிங்கில் ரோஹித் சர்மா, இஷான் கிஷன், திலக் வர்மா, ஹர்திக் பாண்டியா, டிம் டேவிட் ஆகியோருடன் காயத்திலிருந்து மீண்டுள்ள சூர்யகுமார் யாதவும் இடம்பிடிப்பார் என்பது ரசிகர்களுக்கு மகிழ்ச்சியை ஏற்படுத்தியுள்ளது.

மறுபக்கம் அணியின் பந்துவீச்சில் ஜஸ்ப்ரித் பும்ரா மற்றும் ஆகாஷ் மத்வால் ஆகியோர் சிறப்பான ஆட்டத்தை வெளிப்படுத்தி எதிரணைக்கு நெருக்கடியைக் கொடுத்து வருகின்றனர். அவர்களுடன் குவேனா மபகா, ஜெரால்ட் கோட்ஸி மற்றும் பியூஷ் சாவ்லா போன்ற வீரர்களும் சிறப்பாக செயல்படும் பட்சத்தில் நிச்சயம் மும்பை இந்தியன்ஸ் அணி இப்போட்டியில் வெல்வதுடன், நடப்பு சீசனில் தங்களது முதல் வெற்றியையும் பதிவுசெய்து அசத்தும் என ரசிகர்கள் எதிர்பார்த்து காத்திருக்கின்றனர். 

மறுபக்கம் ரிஷப் பந்த் தலைமையிலான டெல்லி கேப்பிட்டல்ஸ் அணி நடப்பு சீசனில் விளையாடிய நான்கு போட்டிகளில் ஒன்றில் மட்டுமே வெற்றிபெற்று புள்ளிப்பட்டியலின் ஒன்பதாம் இடத்திற்கு தள்ளப்பட்டுள்ளது. அணியின் பேட்டிங் ஆர்டரை எடுத்துக்கொண்டால், டேவிட் வார்னர், பிரித்வி ஷா, மிட்செல் மார்ஷ், ரிஷப் பந்த், டிரிஸ்டன் ஸ்டப்ஸ் போன்ற வீரர்கள் இருக்கும் பட்சத்திலும், இதில் பெரும் பாலான வீரர்கள் தொடர்ச்சியாக தங்களது சிறப்பான ஆட்டத்தை வெளிப்படுத்த தவறிவருது பின்னடைவாக பார்க்கப்படுகிறது. 

பந்துவீச்சில் கலீல் அஹ்மத், இஷாந்த் சர்மா ஆகியோர் சிறப்பாக பந்துவீசினாலும், ஆண்ட்ரிச் நோர்ட்ஜே, மிட்செல் மார்ஷ், அக்ஸர் படேல் உள்ளிட்ட வீரர்கள் ரன்களை வாரி வழங்கி வருவது அணிக்கு பெரும் தலைவலியாக மாறி வருகிறது. அதேபோல், குல்தீப் யாதவ், முகேஷ் குமார் போன்ற நட்சத்திர பந்துவீச்சாளர்களும் காயம் காரணமாக போட்டிகளை தவறவிட்டுள்ளது அணிக்கு பெரும் சிக்கலை ஏற்படுத்தியுள்ளது. இந்த பிரச்சனைகளை தாண்டி டெல்லி கேப்பிட்டல்ஸ் அணி தங்களது வெற்றியைப் பதிவுசெய்யுமா என்ற எதிர்பார்ப்புகள் அதிகரித்துள்ளன. 

பிட்ச் ரிப்போர்ட்

இந்த போட்டி மும்பை இந்தியன்ஸ் அணியின் சொந்த மைதானமான வான்கடே மைதானத்தில் நடைபெறவுள்ளது. இங்கு முதல் இன்னிங்ஸின் சராசரி ஸ்கோர் 172 ரன்களாக உள்ளது. இதனால் இங்கு டாஸ் வெல்லும் அணி முதலில் பந்து வீசுவது அணியின் வெற்றிக்கு வழிவகுக்கலாம் என எதிர்பார்க்கப்படுகிறது. 

நேருக்கு நேர்

• மோதிய போட்டிகள் - 33
• மும்பை இந்தியன்ஸ் - 18
• டெல்லி கேப்பிட்டல்ஸ் - 15

நேரலை

இந்திய கிரிக்கெட் ரசிகர்கள் ஐபிஎல் தொடரின் இந்த சீசனின் அனைத்து போட்டிகளையும் ஸ்டார் ஸ்போர்ட்ஸ் தொலைக்காட்சியில் நேரலையில் கண்டு ரசிக்கலாம். அதேசமயம் இத்தொடரின் ஓடிடி உரிமத்தை வியாகம் 18 நிறுவனம் பெற்றுள்ளதால், ரசிகர்கள் இத்தொடரை ஜியோ சினிமா ஓடிடி தளத்திலும் இலவசமாக நேரலையில் கண்டு மகிழலாம். 

உத்தேச லெவன்

மும்பை இந்தியன்ஸ்: இஷான் கிஷான், ரோஹித் சர்மா, சூர்யகுமார் யாதவ், திலக் வர்மா, ஹர்திக் பாண்டியா (கே), டிம் டேவிட், பியூஷ் சாவ்லா, ஜெரால்ட் கோட்ஸி, ஜஸ்பிரித் பும்ரா, ஆகாஷ் மத்வால், குவேனா மபகா.

டெல்லி கேப்பிட்டல்ஸ்: டேவிட் வார்னர், பிரித்வி ஷா, மிட்செல் மார்ஷ், ரிஷப் பந்த் (கே), டிரிஸ்டன் ஸ்டப்ஸ், அபிஷேக் போரல், அக்ஸர் படேல், ரசிக் சலாம், ஆண்ட்ரிச் நோர்ட்ஜே, இஷாந்த் சர்மா, கலீல் அகமது.

ஃபேண்டஸி லெவன் டிப்ஸ்

• விக்கெட் கீப்பர் - ரிஷப் பந்த் (கேப்டன்), இஷான் கிஷன்
• பேட்ஸ்மேன்கள் - ரோஹித் சர்மா, டேவிட் வார்னர் (துணை கேப்டன்), சூர்யகுமார் யாதவ், திலக் வர்மா, டிரிஸ்டன் ஸ்டப்ஸ்
• ஆல்ரவுண்டர் - ஹர்திக் பாண்டியா
• பந்துவீச்சாளர்கள் - ஜஸ்பிரிட் பும்ரா, ஆண்ட்ரிச் நோர்ட்ஜே, ஆகாஷ் மத்வால்.

MI vs DC IPL 2024 Dream11 Prediction, Today Match MI vs DC, MI vs DC Dream11 Team, Fantasy Cricket Tips, MI vs DC Pitch Report, Today Cricket Match Prediction, Today Cricket Match, Dream11 Team, Playing XI, Pitch Report, Injury Update of the match between Mumbai Indians vs Delhi Capitals

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.