ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வரும் 18ஆவது சீசன் ஐபிஎல் தொடரில் இன்று நடைபெறும் 33ஆவது லீக் போட்டியில் ஹர்திக் பாண்டியா தலைமையிலான மும்பை இந்தியன்ஸ் மற்றும் பாட் கம்மின்ஸ் தலைமையிலான சன்ரைசர்ஸ் ஹைதராபாத் அணிகள் பலப்பரீட்சை நடத்தவுள்ளன
இவ்விரு அணிகளுக்கும் இடையேயான இப்போட்டியானது மும்பையில் உள்ள வான்கடே கிரிக்கெட் மைதானத்தில் நடைபெறவுள்ளது. இதில் இவ்விரு அணிகளும் தொடர் தோல்விகளில் இருந்து மீண்டு தற்போது வெற்றிபெற்ற கையோடு இப்போட்டியை எதிர்கொள்ளவுள்ளது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம்.
மும்பை இந்தியன்ஸ்
ஹர்திக் பாண்டியா தலைமையிலான மும்பை இந்தியன்ஸ் நடப்பு ஐபிஎல் தொடரில் 6 போட்டிகளில் விளையாடி 2 வெற்றி, 4 தோல்விகளுடன் 4 புள்ளிகள் பெற்று புள்ளிப்பட்டியலின் 7அம் இடத்தில் உள்ளது. அந்த அணியின் பேட்டிங்கைப் பொறுத்தவரையில் சூர்யகுமார் யாதவ், ஹர்திக் பாண்டியா சிறப்பாக செயல்படும் பட்சத்தில் ரிக்கெல்டன், ரோஹித் சர்மா, திலக் வர்மா உள்ளிட்டோர் சோபிக்க தவறுவது பெரும் பின்னடைவாக பார்க்கப்படுகிறது.
பந்துவீச்சைப் பொறுத்த மட்டும் டிரென்ட் போல்ட், தீபக் சஹார், ஹர்திக் பாண்டியா, மிட்செல் சான்ட்னர் ஆகியோருடன் அஷ்வானி குமார், விக்னேஷ் புதூர் உள்ளிட்டோர் சிறப்பாக செயல்பட்டாலும், அவ்வபோது ரன்களை வாரி வழங்குவது எதிரணிக்கு சாதகமாக பார்க்கப்படுகிறது. இந்நிலையில் ஜஸ்பிரித் பும்ரா மீண்டும் அணியில் இணைந்துள்ளதால் இனி வரும் போட்டிகளில் அந்த அணி வலிமை பெரும் என எதிர்பார்க்கப்படுகிறது.
மும்பை இந்தியன்ஸ் உத்தேச லெவன்: வில் ஜாக்ஸ், ரியான் ரிக்கல்டன் (விக்கெட் கீப்பர்), நமன் தீர், சூர்யகுமார் யாதவ், திலக் வர்மா, ஹர்திக் பாண்டியா (கேப்டன்), மிட்செல் சான்ட்னர், ஜஸ்பிரித் பும்ரா, டிரென்ட் போல்ட், ஜஸ்பிரித் பும்ரா, தீபக் சாஹர்.
சன்ரைசர்ஸ் ஹைதராபாத்
பாட் கம்மின்ஸ் தலைமையிலான சன்ரைசர்ஸ் ஹைதராபாத் அணி நடப்பு ஐபிஎல் தொடரில் இதுவரை விளையாடிய 6 போட்டிகளில் 2 வெற்றி 4 புள்ளிகளுடன் 9ஆவது இடத்தில் உள்ளது. ஹைதராபாத் அணி தனது கடைசி ஆட்டத்தில் 8 விக்கெட்கள் வித்தியாசத்தில் பஞ்சாப் கிங்ஸ் அணியை வீழ்த்தி வெற்றி பெற்ற உத்வேகத்துடன் இப்போட்டியை எதிர்கொள்ளவுள்ளது. அணியின் பேட்டிங்கில் அபிஷேக் சர்மா, டிராவிஸ் ஹெட், இஷான் கிஷான் உள்ளிட்டோர் சிறப்பான ஃபார்மில் உள்ளனர்.
அவர்களுடன் ஹென்ரிச் கிளாசன், நித்திஷ் குமார் ரெட்டி, அனிகேத் வர்மா ஆகியோராலும் அதிரடியாக விளையாட முடியும். மேற்கொண்டு அணியின் பந்துவீச்சை பொறுத்தவரையில் கேப்டன் பாட் கம்மின்ஸ், முகமது ஷமி, ஹர்ஷல் படேல் ஆகியோர் முக்கிய பங்கு வகிக்கின்றனர். இதனால் இன்றைய ஆட்டத்திலும் அந்த அணி வெற்றிபெற்று தங்களின் கணக்கை தொடரும் என்ற எதிர்பார்ப்புகள் அதிகரித்துள்ளன.
சன்ரைசர்ஸ் ஹைதராபாத் உத்தேச லெவன்: டிராவிஸ் ஹெட், அபிஷேக் சர்மா, இஷான் கிஷன், நிதிஷ் குமார் ரெட்டி, கமிந்து மெண்டிஸ், ஹென்ரிச் கிளாசென், அனிகேத் வர்மா, பாட் கம்மின்ஸ் (கேப்டன்), ஹர்ஷல் படேல், சிமர்ஜீத் சிங், முகமது ஷமி.
நேருக்கு நேர்
- மோதிய போட்டிகள் – 23
- மும்பை இந்தியன்ஸ் – 13
- சன்ரைசர்ஸ் ஹைதராபாத் – 10
Also Read: Funding To Save Test Cricket
ஃபேண்டஸி லெவன் டிப்ஸ்
- விக்கெட் கீப்பர்- ஹென்ரிச் கிளாசென், ரியான் ரிக்கல்டன்
- பேட்ஸ்மேன்கள் - சூர்யகுமார் யாதவ், டிராவிஸ் ஹெட் (துணை கேப்டன்), நிதிஷ் குமார் ரெட்டி, திலக் வர்மா
- ஆல்-ரவுண்டர்கள் - ஹார்டிக் பாண்டியா (கேப்டன்), அபிஷேக் சர்மா
- பந்துவீச்சாளர்கள்- கரம் சர்மா, பாட் கம்மின்ஸ், ஜஸ்பிரித் பும்ரா.