இங்கிலாந்து பவுலிங்கை கண்டு வியக்கும் ஈயன் மோர்கன்!

இங்கிலாந்து - இலங்கை அணிகளுக்கு இடையேயான மூன்று போட்டிகள் கொண்ட டி20 தொடர் நடைபெற்றது. இதில் நேற்று நடைப்பெற்ற மூன்றாவது டி20 போட்டியில் இங்கிலாந்து அணி 89 ரன்கள் வித்தியாசத்தில் இலங்கையை வீழ்த்தி அபாரமான வெற்றியை பெற்றது. 

இந்த வெற்றியின் மூலம் மூன்று போட்டிகள் கொண்ட டி20 தொடரில் இலங்கையை 3-0 என்ற கணக்கில் வீழ்த்தி இங்கிலாந்து தொடரைக் கைப்பற்றி அசத்தியுள்ளது.

இந்நிலையில், இத்தொடரில் இங்கிலாந்து அணியின் பந்துவீச்சு அபாரமாக இருந்ததன் காரணமாகவே எங்களால் இதனை செய்ய இயன்றது என அந்த அணியின் கேப்டன் ஈயன் மோர்கன் தெரிவித்துள்ளார். 

இதுகுறித்து பேசிய மோர்கன்,“இந்த தொடரிலிருந்து எனக்கு மிகப்பெரிய விஷயமாக தொன்றுது எங்கள் பந்துவீச்சு செயல்திறன் தான். ஏனெனில் எங்கள் அணி பந்துவீச்சாளர்கள் போட்டியின் சூழலுக்கு ஏற்றவாறு பந்துவீசினர். 

அதிலும் குறிப்பாக டெத் ஓவர்களில் எங்கள் பந்துவீச்சு அபாரமாக இருந்தது. டி20 உலகக்கோப்பை நெருங்கும் சூழலில் எங்கள் அணியின் பந்துவீச்சு திறன் சிறப்பாக உள்ளது மிகவும் மகிழ்ச்சி அளிக்கிறது. இருப்பினும் பவர் பிளேவில் பந்துவீச்சை மேம்படுத்த முயற்சித்து வருகிறோம்” என்று தெரிவித்துள்ளார்.