ஐபிஎல் தொடரில் புதிய வரலாறு படைத்த எம் எஸ் தோனி!
ஐபிஎல் தொடரில் இன்று நடைபெற்ற லீக் போட்டியில் கொல்கத்தா நைட் ரைடர்ஸ் மற்றும் சென்னை சூப்பர் கிங்ஸ் அணிகள் பலப்பரீட்சை நடத்தின. ஈடன் கார்டன்ஸில் நடைபெற்ற இப்போட்டியில் டாஸ் வென்ற கேகேஆர் அணி முதலில் பேட்டிங் செய்வதாக அறிவித்தது.
அதன்படி களமிறங்கிய கேகேஆர் அணிக்கு ரஹ்மனுல்லா குர்பாஸ் மற்றும் சுனில் நரைன் இணை தொடக்கம் கொடுத்தனர். இதில் குர்பாஸ் 11 ரன்களி விக்கெட்டை இழக்க, அவரைத்தொடர்ந்து 26 ரன்களைச் சேர்த்திருந்த சுனில் நரைனும் விக்கெட்டை இழந்தார். அவர்களைத் தொடர்ந்து களமிறங்கிய ஆங்கிரிஷ் ரகுவன்ஷியும் ஒரு ரன் மட்டுமே எடுத்த நிலையில் தோனியின் அபாரமான கேட்சின் மூலம் விக்கெட்டை இழந்து பெவிலியன் திரும்பினார்.
இந்நிலையில் இப்போட்டியில் அங்கிரிஷ் ரகுவன்ஷியின் கேட்சை சிஎஸ்கே அணி கேப்டன் எம் எஸ் தோனி பிடித்ததன் மூலம் ஐபிஎல் தொடரில் தனது 200ஆவது டிஸ்மிஸலை பூர்த்தி செய்தார். இதன்மூலம் ஐபிஎல் தொடர் வரலற்றில் விக்கெட் கீப்பராக 200 டிஸ்மிசல்களைச் செய்த முதல் வீரர் எனும் சாதனையை எம் எஸ் தோனி படைத்துள்ளார். இதில் அவர் 153 கேட்சுகளையும், 47 ஸ்டம்பிங்களையும் செய்துள்ளர் என்பது குறிப்பிடத்தக்கது.
இந்த பட்டியலில் இந்திய அணியின் முன்னாள் விக்கெட் கீப்பர் தினேஷ் கார்த்திக் 137 கேட்சுகள் மற்றும் 37 ஸ்டம்பிங்கள் என மொத்தமாக 174 டிஸ்மிசல்களை செய்து இரண்டாம் இடத்திலும், விருத்திமான் சஹா 87 கேட்சுகள், 26 ஸ்டம்பிங்கள் என 113 டிஸ்மிசல்களுடன் மூன்றாம் இடத்திலும் உள்ளது குறிப்பிடத்தக்கது. இப்போட்டி குறித்து பேசினால் தற்போது வரையில் கேகேஆர் அணியானது 4 விக்கெட் இழப்பிற்கு 124 ரன்களைச் சேர்த்துள்ளது குறிப்பிடத்தக்கது.
கொல்கத்தா நைட் ரைடர்ஸ்: ரஹ்மானுல்லா குர்பாஸ் (விக்கெட் கீப்பர்), சுனில் நாராயண், மணீஷ் பாண்டே, அஜிங்க்யா ரஹானே (கேப்டன்), ரின்கு சிங், ஆங்கிரிஷ் ரகுவன்ஷி, ஆண்ட்ரே ரசல், ராமன்தீப் சிங், மொயின் அலி, வைபவ் அரோரா, வருண் சக்ரவர்த்தி
இம்பேக்ட் வீரர்கள்: அன்ரிச் நோர்கியே, மயங்க் மார்கண்டே, ஹர்ஷித் ராணா, அனுகுல் ராய், லவ்னீத் சிசோடியா
சென்னை சூப்பர் கிங்ஸ்: ஆயுஷ் மத்ரே, உர்வில் படேல், டெவோன் கான்வே, ரவீந்திர ஜடேஜா, டெவால்ட் ப்ரீவிஸ், எம்எஸ் தோனி (கேப்டன்), ஆர் அஷ்வின், அன்ஷுல் கம்போஜ், நூர் அகமது, கலீல் அகமது, மதிஷா பத்திரனா
Also Read: LIVE Cricket Score
இம்பேக்ட் வீரர்கள்: ஷிவம் துபே, தீபக் ஹூடா, ஜேமி ஓவர்டன், கமலேஷ் நாகர்கோடி