ஐபிஎல் தொடரில் இன்று நடைபெற்ற லீக் போட்டியில் கொல்கத்தா நைட் ரைடர்ஸ் மற்றும் லக்னோ சூப்பர் ஜெயண்ட்ஸ் அணிகள் பலப்பரீட்சை நடத்தின. கொல்கத்தாவில் உள்ள ஈடன் கார்டன்ஸ் கிரிக்கெட் மைதானத்தில் நடைபெற்ற இப்போட்டியில் டாஸ் வென்ற கேகேஆர் அணி முதலில் பந்துவீசுவதாக அறிவித்தது.
அதன்படி களமிறங்கிய லக்னோ அணிக்கு ஐடன் மார்க்ரம் - மிட்செல் மார்ஷ் இணை அபாரமான தொடக்கத்தை வழங்கினர். இதில் ஐடன் மாக்ரம் 47 ரன்களில் தனது விக்கெட்டை இழக்க, அவரைத்தொடர்ந்து அதிரடியாக விளையாடி வந்த மிட்செல் மார்ஷ் 6 பவுண்டரி, 5 சிக்ஸர்கள் என 81 ரன்களைச் சேர்த்த கையோடு ஆட்டமிழந்து பெவிலியன் திரும்பினார். அடுத்து களமிறங்கிய அப்துல் சமத்தும் சோபிக்க தவறினர்.
இருப்பினும் ஒருபக்கம் அதிரடியாக விளையாடி வந்த நிக்கோலஸ் பூரன் 21 பந்துகளில் தனது அரைசதத்தைப் பூர்த்தி செய்து அசத்தியதுடன், இறுதிவரை ஆட்டமிழக்காமல் 7 பவுண்டரிகள், 8 சிக்ஸர்கள் என 87 ரன்களைச் சேர்த்து அணிக்கு ஃபினிஷிங்கை கொடுத்தார். இதன்மூலம் லக்னோ சூப்பர் ஜெயண்ட்ஸ் அணி 20 ஓவர்கள் முடிவில் 3 விக்கெட்டுகளை மட்டுமே இழந்து 238 ரன்களைக் குவித்தது. இதையடுத்து கேகேஆர் அணி இலக்கை நோக்கி விளையாடி வருகிறது.
இந்நிலையில் இப்போடியின் மூலம் நிக்கோலஸ் பூரன் ஐபிஎல் தொடரில் தனது 2000 ரன்களையும் நிறைவு செய்தார். இதன்மூலம் ஐபிஎல் தொடர் வரலாற்றில் அதிவேகமாக 2ஆயிரம் ரன்களைக் குவித்த வீரர் எனும் வீரேந்திர சேவாக்கின் சாதனையையும் முறியடித்துள்ளார். முன்னதாக வீரேந்திர சேவாக் 1211 பந்துகளில் 2ஆயிரம் ரன்களை எடுத்ததே சாதனையாக இருந்த நிலையில், நிக்கோலஸ் பூரன் 1198 பந்துகளில் இந்த மைல் கல்லை எட்டி அசத்தியுள்ளார் என்பது குறிப்பிடத்தக்கது.
ஐபிஎல் தொடரில் அதிவேகமாக 2000 ரன்களை கடந்த வீரர்கள் (பந்துகள் அடிப்படையில்)
- 1120 பந்துகளில் 2000 ரன்கள் - ஆண்ட்ரே ரஸ்ஸல்
- 1198 பந்துகளில் 2000 ரன்கள் - நிக்கோலஸ் பூரன்
- 1211 பந்துகளில் 2000 ரன்கள் - வீரேந்தர் சேவாக்
- 1251 பந்துகளில் 2000 ரன்கள் - கிறிஸ் கெய்ல்
- 1306 பந்துகளில் 2000 ரன்கள் - ரிஷப் பந்த்
- 1309 பந்துகளில் 2000 ரன்கள் - க்ளென் மேக்ஸ்வெல்
கொல்கத்தா நைட் ரைடர்ஸ் பிளேயிங் லெவன்: குயின்டன் டி காக், சுனில் நரைன், அஜிங்கியா ரஹானே(கேப்டம்), வெங்கடேஷ் ஐயர், ரிங்கு சிங், ஆண்ட்ரே ரஸ்ஸல், ராமன்தீப் சிங், ஹர்ஷித் ராணா, வைபவ் அரோரா, ஸ்பென்சர் ஜான்சன், வருண் சக்கரவர்த்தி
கொல்கத்தா நைட் ரைடர்ஸ் இம்பாக்ட் சப்ஸ்: ஆங்கிரிஷ் ரகுவன்ஷி, மணீஷ் பாண்டே, அனுகுல் ராய், ரோவ்மேன் பவல், லுவ்னித் சிசோடியா
லக்னோ சூப்பர் ஜெயண்ட்ஸ் பிளேயிங் லெவன்: மிட்செல் மார்ஷ், ஐடன் மார்க்ரம், நிக்கோலஸ் பூரன், ரிஷப் பண்ட்(கேப்டன்), ஆயுஷ் படோனி, டேவிட் மில்லர், அப்துல் சமத், ஷர்துல் தாக்கூர், ஆகாஷ் தீப், அவேஷ் கான், திக்வேஷ் சிங் ரதி.
Also Read: Funding To Save Test Cricket
லக்னோ சூப்பர் ஜெயண்ட்ஸ் இம்பேக்ட் சப்ஸ்: ரவி பிஷ்னோய், பிரின்ஸ் யாதவ், ஷாபாஸ் அஹமத், மேத்யூ பிரீட்ஸ்கே, ஹிம்மத் சிங்.