NZ vs BAN, 1st Test: வங்கதேசம் அபாரம்; நியூசிலாந்து பின்னடைவு!

நியூசிலாந்து - வங்கதேச அணிகளுக்கு இடையேயான முதல் டெஸ்ட் போட்டி பே ஓவல் மைதானத்தில் ஜவனரி 1ஆம் தேதி தொடங்கியது. 

இதில் டாஸ் வென்று முதலில் பந்துவீச்சை தேர்வு செய்த வங்கதேச அணி 328 ரன்களில் நியூசிலாந்தை கட்டுப்படுத்தியது. நியூசிலாந்து அணி தரப்பில் டேவன் கான்வே 122 ரன்களைச் சேர்த்தார்.

அதன்பின் முதல் இன்னிங்ஸைத் தொடங்கிய வங்கதேச அணி  2ஆம் நாள் ஆட்டநேர முடிவில் வங்கதேச அணி 2 விக்கெட் இழப்பிற்கு 175 ரன்களைச் சேர்த்தது. இதையடுத்து 153 ரன்கள் பின் தங்கிய நிலையில் வங்கதேச அணி நாளை 3ஆம் நாள் ஆட்டத்தை தொடர்ந்தது.

இதில் சதமடிப்பார்கள் என்று எதிர்பார்க்கப்பட்ட முகமதுல் ஹசன் 78 ரன்களிலும்,கேப்டன் மொமினுல் ஹக் 88 ரன்களுடனும் ஆட்டமிழந்தனர். 

அதன்பின் களமிறங்கிய லிட்டன் தாஸ் அதிரடியாக விளையாடி அணியை முன்னிலைப் படுத்தியதுடன், அரைசதம் கடந்தும் அசத்தினார். பின்னர் 86 ரன்களில் லிட்டன் தாஸும் ஆட்டமிழந்து சதமடிக்கும் வாய்ப்பை தவறவிட்டார். 

இதனால் 3ஆம் நாள் ஆட்டநேர முடிவில் வங்கதேச அணி முதல் இன்னிங்ஸில் 6 விக்கெட்டுகளை இழந்து 401 ரன்களைக் குவித்துள்ளது. 

வங்கதேச அணி தரப்பில் யாசிர் அலி 11 ரன்களுடனும், மெஹதி ஹசன் 20 ரன்களுடனும் களத்தில் உள்ளனர். நியூசிலாந்து தரப்பில் ட்ரெண்ட் போல்ட், நெய்ல் வாக்னர் தலா 3 விக்கெட்டுகளைக் கைப்பற்றியுள்ளனர். 

இதையடுத்து 73 ரன்கள் முன்னிலையுடன் வங்கதேச அணி நாளை 4ஆம் நாள் ஆட்டத்தை தொடரவுள்ளது.