இங்கிலாந்து புறப்பட்ட இந்திய அணி!

உலக டெஸ்ட் சாம்பியன்ஷிப் இறுதிப் போட்டி, இங்கிலாந்துடனான டெஸ்ட் போட்டி ஆகியவற்றில் பங்கேற்பதற்காக விராட் கோலி தலைமையிலான இந்திய அணி இங்கிலாந்து செல்கிறது. 

அதேசமயம் இந்திய மகளிர் அணியும் ஒரு டெஸ்ட், மூன்று ஒருநாள், மூன்று டி20 போட்டிகள் கொண்ட தொடரில் இங்கிலாந்து அணியை எதிரிகொள்ளவுள்ளது. 

மேலும் கரோனா அச்சுறுத்தல் காரணமாக வீரர், வீராங்கனைகள் மே  15ஆம் தேதி முதல் மும்பையிலுள்ள பிசிசிஐ அலுவலகத்தில் தங்க வைக்கப்பட்டிருந்தனர். 

இந்நிலையில் இந்திய ஆடவர்  மற்றும் மகளிர் அணி இரண்டும் தனி விமானம் மூலம் இன்று இங்கிலாந்து புறப்பட்டு சென்றது. இதுகுறித்த புகைப்படங்களை பிசிசிஐ தனது அதிகாரப்பூர்வ ட்விட்டர் பக்கத்தில் வெளியிட்டுள்ளது.

அதேசமயம் இந்திய ஆடவர் மற்றும் மகளிர் அணிகள் ஒன்றாக பயணிப்பது இதுவே முதல் முறை. தற்போது இங்கிலாந்து சென்றுள்ள இந்திய அணி 10 நாள்கள் தனிமைப் படுத்தப்பட்டுள்ளனர்.