ரசிகர்கள் பெரிதும் எதிர்பார்த்து காத்திருக்கும் ஐபிஎல் தொடரின் 18ஆவது சீசன் மார்ச் 22ஆம் தேதி நடைபெறவுள்ளது. கொல்கத்தாவின் ஈடன் கார்டன்ஸ் மைதானத்தில் நடைபெறும் முதல் ஆட்டத்தில் நடப்பு சாம்பியன் கொல்கத்தா நைட் ரைடர்ஸ் அணியை எதிர்த்து ராயல் சேலஞ்சர்ஸ் பெங்களூரு அணி பலப்பரீட்சை நடத்தவுள்ளது.
அதன்பின் ரசிகர்கள் பெரிதும் எதிர்பார்த்து காத்திருக்கும் சென்னை சூப்பர் கிங்ஸ் மற்றும் மும்பை இந்தியன்ஸ் அணிகளுக்கு இடையேயான லீக் போட்டியானது மார்ச் 23ஆம் தேதியானது சேப்பாக்கம் கிரிக்கெட் மைதானத்தில் நடைபெறவுள்ளது. இப்போட்டிக்காக இரு அணி வீரர்களும் தீவிர பயிற்சியில் ஈடுபட்டு வருகின்றனர். இந்நிலையில் இப்போட்டியில் சென்னை சூப்பர் கிங்ஸ் அணியின் பிளேயிங் லெவன் என்னவாக இருக்கும் என்பதை இப்பதிவில் பார்ப்போம்.
எங்களின் கணிப்பு படி, நடப்பு ஐபிஎல் தொடரில் சென்னை சூப்பர் கிங்ஸ் அணியின் தொடக்க வீரர்களாக கேப்டன் ருதுராஜ் கெய்க்வாட் மற்றும் ரச்சின் ரவீந்திரா களமிறங்கவே அதிக வாய்ப்புள்ளது. ஏனெனில் ரச்சின் ரவீந்திரா தற்போது இருக்கும் ஃபார்மில் அவர் தான் நிச்சயம் தொடக்க வீரராக களமிறங்குவார். ஒருவேளை அவர் லெவனில் இடம்பெறாத பட்சத்தில் டெவான் கான்வேவுக்கு அந்த வாய்ப்பானது கிடைக்கும்.
மேற்கொண்டு மூன்றாம் வரிசையில் ராகுல் திரிபாதி களமிறங்க வாய்ப்புள்ளது. கடந்த ஐபிஎல் தொடரிலும் கூட அவர் மூன்றாம் வரிசையில் களமிங்கி அதிரடியைக் கட்டினார். நான்காம் இடத்தைப் பொறுத்தவரையில் அது ஷிவம் தூபேவுக்கு என்று ஒதுக்கப்பட்டிருக்கும். அதுதவிர்த்து 5 மற்றும் 6ஆவது இடங்களில் ரவீந்திர ஜடேஜா மற்றும் மகேந்திர சிங் தோனியும், 7ஆவது இடத்தில் சாம் கரணும் களமிறங்க அதிகவாய்ப்புள்ளது.
இதுதவிர்த்து பந்துவீச்சாளர்கள் வரிசையில் ரவிச்சந்திரன் அஸ்வின், மதீஷா பதிரானா, நூர் அஹ்மத் மற்றும் கலீல் அஹ்மத் ஆகியோர் விளையாடுவார்கள். மேற்கொண்டு இம்பேக்ட் வீரராக அன்ஷுல் காம்போஜ் விளையாட அதிக வாய்ப்புள்ளது. இதில் டாப் ஆர்டர் வீரர்களுக்கு ஏதெனும் காயம் ஏற்பட்டால் விஜய் சங்கர், தீபக் ஹூடா, ஆண்ட்ரே சித்தார்த் உள்ளிட்டோருக்கு வாய்ப்பு கிடைக்கும் என்பது குறிப்பிடத்தக்கது.
சிஎஸ்கே-வின் கணிக்கப்பட்ட லெவன்: ருதுராஜ் கெய்க்வாட் (கேப்டன்), ரச்சின் ரவீந்திரா, ராகுல் திரிபாதி, ஷிவம் தூபே, ரவீந்திர ஜடேஜா, மகேந்திர சிங் தோனி, சாம் கரண், ரவிச்சந்திரன் அஸ்வின், மதீஷா பதிரானா, நூர் அஹ்மத், கலீல் அஹ்மத். இம்பேக்ட் பிளேயர் - அன்ஷுல் காம்போஜ்.
Also Read: Funding To Save Test Cricket
சென்னை சூப்பர் கிங்ஸ்: ருதுராஜ் கெய்க்வாட் (கேப்டன்), எம்எஸ் தோனி, ரவீந்திர ஜடேஜா, ஷிவம் துபே, மதீஷா பதிரானா, நூர் அகமது, ரவிச்சந்திரன் அஸ்வின், டெவோன் கான்வே, கலீல் அகமது, ரச்சின் ரவீந்திரா, ராகுல் திரிபாதி, விஜய் சங்கர், சாம் கரன், ஷேக் ரஷித், அன்ஷுல் கம்போஜ், முகேஷ் சௌத்ரி, தீபக் ஹூடா, குர்ஜன்பிரீத் சிங், நாதன் எல்லிஸ், ஜேமி ஓவர்டன், கமலேஷ் நாகர்கோட்டி, ராமகிருஷ்ணன் கோஷ், ஸ்ரேயாஸ் கோபால், வான்ஷ் பேடி, ஆண்ட்ரே சித்தார்த்.