IRE vs ZIM: தோல்விக்கு பதிலடி கொடுக்குமா அயர்லாந்து?

அயர்லாந்தில் சுற்றுப்பயணம் செய்துவரும் ஜிம்பாப்வே அணி 5 டி20, 3ஒருநாள் போட்டிகள் கொண்ட தொடரில் விளையாடி வருகிறது. இதில் நேற்று முன்தினம் நடைபெற்ற முதல் டி20 போட்டியில் ஜிம்பாப்வே அணி 3 ரன்கள் வித்தியாசத்தில் அயர்லாந்தை வீழ்த்தி த்ரில் வெற்றியைப் பெற்றது. 

இந்நிலையில் இரு அணிகளுக்கும் இடையேயான இரண்டாவது டி20 போட்டி டப்லினில் இன்று நடைபெறுகிறது. ஏற்கெனவே இத்தொடரின் முதல் போட்டியில் தோல்வியை தழுவிய அயர்லாந்து அணி, இன்றைய போட்டியில் பதிலடி கொடுக்கும் என எதிர்பார்க்கப்படுகிறது. 

அயர்லாந்து அணியைப் பொறுத்தவரை பால் ஸ்டிர்லிங், கெவின் ஓ பிரையன் ஆகியோர் நிலைத்து நின்று விளையாட வேண்டிய கட்டாயத்தில் உள்ளனர். பந்துவீச்சு தரப்பில் சிமி சிங், கிரேக் யங், பேரி மெக்கர்த்தி ஆகியோர் சிறப்பான ஆட்டத்தை வெளிப்படுத்தி வருவது அந்த அணிக்கு சற்று நம்பிக்கையை கொடுத்துள்ளது. 

ஜிம்பாப்வே அணியைப் பொறுத்தவரை சகப்வாவைத் தவிர மற்ற பேட்ஸ்மேன்கள் சோபிக்க தவறி வருவதால் அந்த அணி தொடர்ந்து ரன்களை குவிக்க தடுமாறி வருகிறது. பந்துவீச்சாளர்களில் ரியான் பர்ல், லுக் ஜாங்வா, வெல்லிங்டன் மசகட்ஸா அகியோர் சிறப்பாக செயல்பட்டு வருவது அணியின் பலமாக பார்க்கப்படுகிறது. 

உத்தேச அணி

ஜிம்பாப்வே : வெஸ்லி மாதேவரே, தடிவனாஷே மருமணி, ரெஜிஸ் சாகப்வா, டியோன் மியர்ஸ், கிரேக் எர்வின் (கே), மில்டன் ஷும்பா, ரியான் பர்ல், லூக் ஜோங்வே, வெலிங்டன் மசகட்ஸா, டெண்டாய் சதாரா, ரிச்சர்ட் ந்கராவா.

Also Read: சிட்னி சிக்சர்ஸில் மீண்டும் ஓராண்டு ஒப்பந்தமான பிராத்வைட்!

அயர்லாந்து: பால் ஸ்டிர்லிங், கெவின் ஓ பிரையன், ஆண்ட்ரூ பால்பர்னி (கே), கர்டிஸ் கேம்பர், நீல் ராக், ஷேன் கெட்கேட், சிமி சிங், ஜார்ஜ் டாக்ரெல், கிரேக் யங், பாரி மெக்கார்த்தி, பெஞ்சமின் ஒயிட்.