பிஎஸ்எல் 2022: ஹாரி ப்ரூக் அதிரடி சதம்; இஸ்லாமாபாத்திற்கு 198 ரன்கள் இலக்கு!

பாகிஸ்தான் சூப்பர் லீக் டி20 தொடரில் இன்று நடைபெற்று வரும் 27ஆவது லீக் ஆட்டத்தில் லாகூர் கலந்தர்ஸ் - இஸ்லாமாபாத் யுனைடெட் அணிகள் பலப்பரீட்சை நடத்தின.

இப்போட்டியில் டாஸ் வென்று முதலில் பேட்டிங் செய்த லாகூர் அணியில் பிலிப் சால்ட், காம்ரன் குலம், முகமது ஹபீஸ் ஆகியோர் சொற்ப ரன்களில் ஆட்டமிழந்து பெவிலியன் திரும்பினர். 

அடுத்து ஜோடி சேர்ந்த ஃபகர் ஸமான் - ஹாரி ப்ரூக் இணை அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர். 

இதில் ஃபகர் ஸமான் 51 ரன்களில் ஆட்டமிழக்க, மறுமுனையிலிருந்த ஹாரி ப்ரூக் 49 பந்துகளில் சதம் விளாசி அசத்தினார்.

இதன்மூலம் 20 ஓவர்கள் முடிவில் லாகூர் கலந்தர்ஸ் அணி 6 விக்கெட்டுகளை இழந்து 197 ரன்களைச் சேர்த்தது. இதில் அதிகபட்சமாக ஹாரி ப்ரூக் 102 ரன்களைச் சேர்த்தார். இஸ்லாமாபாத் அணி தரப்பில் ஃபஹீம் அஷ்ரஃப் 3 விக்கெட்டுகலைக் கைப்பற்றினார்.