பிஎஸ்எல் 2021: ரிஸ்வான் அதிரடியில் முல்தான் சுல்தான்ஸ் அபார வெற்றி!

பிஎஸ்எல் தொடரின் 6ஆவது சீசன் அபுதாபியில் நடைபெற்று வருகிறது. இதில் நேற்று நடைபெற்ற 21ஆவது லீக் ஆட்டத்தில் முல்தான் சுல்தான்ஸ், பெஸ்வர் ஸால்மி அணிகள் மோதின.

இப்போட்டியில் முதலில் பேட்டிங் செய்த பெஸ்வர் ஸால்மி அணியில் ரூதர்ஃபோர்ட் அபாரமாக விளையாடி அரைசதம் கடந்து அணியின் ஸ்கோரை உயர்த்தினர். 

இதனால் 20 ஓவர்கள் முடிவில் பெஸ்வர் ஸால்மி அணி 7 விக்கெட் இழப்பிற்கு 166 ரன்களைச் சேர்த்தது. அந்த அணியில் அதிகபட்சமாக ரூதர்ஃபோர்ட் 56 ரன்களைச் சேர்த்தார். முல்தான் சுல்தான்ஸ் அணி தரப்பில் தானி 4 விக்கெடுகளை கைப்பற்றினார். 

அதன்பின் வெற்றி இலக்கை நோக்கி களமிறங்கிய முல்தான் சுல்தான் அணியில் தொடக்கர் வீரர் ஷான் மசூத் 14 ரன்களில் ஆட்டமிழந்தார். பின்னர் ஜோடி சேர்ந்த முகமது  ரிஸ்வான் - சொயிப் மஃக்சூத் இணை அதிரடியாக விளையாடி அரைசதம் கடந்தது.

இதன் மூலம் முல்தான் சுல்தான்ஸ் அணி 8 விக்கெட் வித்தியாசத்தில் பெஸ்வர் ஸால்மி அணியை வீழ்த்தி அபார வெற்றியைப் பதிவுசெய்தது.

பெஸ்வர் ஸால்மி - முல்தான் சுல்தான்ஸ் போட்டி ஹைலைட்ஸ்..!