ஐபிஎல் தொடரில் இன்று நடைபெற்ற லீக் போட்டியில் ராஜஸ்தான் ராயல்ஸ் மற்றும் மும்பை இந்தியன்ஸ் அணிகள் பலப்பரீட்சை நடத்தின. ஜெய்ப்பூரில் உள்ள சவாய் மான்சிங் கிரிக்கெட் மைதானத்தில் நடைபெற்ற இப்போட்டியில் டாஸ் வென்ற ராஜஸ்தான் ராயல்ஸ் அணி முதலில் பந்துவீசுவதாக அறிவித்தது.
மேற்கொண்டு இன்றைய போட்டிக்கான மும்பை இந்தியன்ஸ் அணியில் எந்த மாற்றமும் இல்லாத நிலையில், ராஜஸ்தான் ராயல்ஸ் அணியில் காயம் காரணமாக வநிந்து ஹசரங்கா மற்றும் சந்தீப் சர்மா ஆகியோர் விளையாடாத நிலையில் ஆகாஷ் மத்வால், குமார் கார்த்திகேயா ஆகியோருக்கு லெவனில் வாய்ப்பு வழங்கப்பட்டுள்ளது. இதனையடுத்து மும்பை இந்தியன்ஸ் அணி பேட்டிங் செய்து வருகிறது.
இந்நிலையில் நடப்பு ஐபிஎல் தொடரில் இருந்து ராஜஸ்தான் ராயல்ஸ் வேகப்பந்து வீச்சாளர் சந்தீப் சர்மா கயம் காரணமாக விலகிய தகவல் வெளியாகியுள்ளது. முன்னதாக குஜராத் டைட்டன்ஸுக்கு எதிரான போட்டியின் போது சந்தீப் சர்மா காயத்தை சந்தித்தார். இதனையடுத்து அவருக்கு மருத்துவ சிகிச்சைகள் மேற்கொள்ளப்பட்ட நிலையில், அவரின் காயம் குணமடைய சில காலம் தேவை என்று மருத்துவ குழுவினர் தெரிவித்ததாக கூறப்படுகிறது.
இதன் காரணமாகவே தற்சமயம் சந்தீப் சர்மா நடப்பு ஐபிஎல் தொடரின் எஞ்சியுள்ள போட்டிகளில் இருந்து விலகியதாக தகவல்கள் வெளியாகிவுள்ளன. ஏற்கெனவே ராஜஸ்தான் ராயல்ஸ் அணியின் கேப்டன் சஞ்சு சாம்சன் காயம் காரணமாக கடந்த சில போட்டிகளை தவறவிட்டு வரும் நிலையில், தற்போது அணியின் முக்கிய டெத் பந்துவீச்சாளரான சந்தீப் சர்மாவும் எஞ்சியுள்ள போட்டிகளில் விளையாடமாட்டார் என்பது அணிக்கு பெரும் பின்னடைவாக பார்க்கப்படுகிறது.
ராஜஸ்தான் ராயல்ஸ் பிளேயிங் லெவன்: யஷஸ்வி ஜெய்ஸ்வால், வைபவ் சூர்யவன்ஷி, நிதிஷ் ராணா, ரியான் பராக்(கேப்டன்), துருவ் ஜூரல், ஷிம்ரான் ஹெட்மையர், ஜோஃப்ரா ஆர்ச்சர், மகேஷ் தீக்ஷனா, குமார் கார்த்திகேயா, ஆகாஷ் மத்வால், ஃபசல்ஹாக் ஃபரூக்கி
இம்பாக்ட் வீரர்கள்: ஷுபம் துபே, துஷார் தேஷ்பாண்டே, குணால் சிங் ரத்தோர், யுத்வீர் சிங் சரக், குவேனா மபாகா
மும்பை இந்தியன்ஸ் பிளேயிங் லெவன்: ரியான் ரிக்கல்டன், ரோஹித் சர்மா, வில் ஜாக்ஸ், சூர்யகுமார் யாதவ், திலக் வர்மா, ஹர்திக் பாண்டியா(கேப்டன்), நமன் திர், கார்பின் போஷ், தீபக் சாஹர், டிரென்ட் போல்ட், ஜஸ்பிரித் பும்ரா
Also Read: LIVE Cricket Score
இம்பாக்ட் வீரர்கள்: ராஜ் பாவா, சத்தியநாராயண ராஜு, ராபின் மின்ஸ், ரீஸ் டாப்லி, கர்ண் ஷர்மா