SA vs IND, 2nd Test: 202 ரன்களில் இந்தியா ஆல் அவுட்!

இந்தியா- தென்ஆப்பிரிக்கா அணிகளுக்கு இடையேயான 2ஆவது டெஸ்ட் ஜோஹன்னஸ்பர்க்கில் இன்று தொடங்கியது. முதுகு வலி காரணமாக விராட் கோலி இந்த போட்டியில் விளையாடவில்லை. கேஎல் ராகுல் கேப்டனாக செயல்படுகிறார்.

இப்போட்டியில் டாஸ் வென்ற இந்திய அணி முதலில் பேட்டிங் செய்ய தீர்மானித்து களமிறங்கியது. தொடக்க ஜோடியாக களமிறங்கிய கேஎல் ராகுல், மயங்க் அகர்வால் ஜோடி நிதானமாக ஆடியது. 

இதையடுத்து மயங்க் அகர்வால் 26 ரன்களுக்கு ஆட்டமிழந்துவிட, அடுத்தடுத்து வந்த புஜாரா 3, ரஹானே 0, விஹாரி 20, ராகுல் 50, பண்ட் 17 ரன்களுக்கு ஆட்டமிழந்தனர். 

அதன்பின் களமிறங்கிய அஸ்வின் அதிரடியாக விளையாடி 46 ரன்கள் எடுத்து ஆட்டமிழந்தார். பின்னர் களமிறங்கிய முகமது ஷமி 9, பும்ரா 14, சிராஜ் 1 ரன்கள் எடுத்து ஆட்டமிழந்தனர்.

இதையடுத்து முதல் இன்னிங்ஸில் இந்திய அணி அனைத்து விக்கெட்டுகளையு இழந்து 202 ரன்களை எடுத்தது. தென் ஆப்ரிக்கா தரப்பில் மார்கோ ஜான்சன் அதிகபட்சமாக 4 விக்கெட்டுகள் வீழ்த்தினார். ராபாடா, ஒலிவியர் தலா 3 விக்கெட்டுகளை வீழ்த்தினர்.