SA vs PAK: டாஸ் வென்ற தென்ஆப்பிரிக்க அணி பந்துவீச்சு

தென்ஆப்பிரிக்காவில் சுற்றுப்பயணம் செய்துவரும் பாகிஸ்தான் அணி மூன்று போட்டிகள் கொண்ட ஒருநாள் தொடரில் விளையாடி வருகிறது. இதில் ஏற்கெனவே நடைபெற்ற இரண்டு ஒருநாள் போட்டிகளில் இரு அணிகளும் தலா ஒரு வெற்றியைப் பெற்று தொடரை சமன்செய்துள்ளது. 

இந்நிலையில் தொடரை தீர்மானிக்கும் மூன்றாவது மற்றும் கடைசி ஒருநாள் போட்டி இன்று செஞ்சுரியனில் நடக்கிறது. இப்போட்டியில் டாஸ் வென்றுள்ள தென்ஆப்பிரிக்க அணி, பாகிஸ்தான் அணியை பேட்டிங் செய்ய அழைத்துள்ளது.

தென்ஆப்பிரிக்க அணியில் அனுபவ வீரர்களான குயின்டன் டி காக், டேவிட் மில்லர், காகிசோ ரபாடா, ஆண்ட்ரிச் நோர்ட்ஜே ஆகியோர் ஐபிஎல் தொடரில் பங்கேற்பதற்காக இந்தியா திரும்பியுள்ளதால், ஹென்ட்ரிச் கிளாசென், ஜேஜே ஸ்மட்ஸ், கேசவ் மகாராஜ், சிம்பாலா ஆகியோருக்கு அணியில் வாய்ப்பளிக்கப்பட்டுள்ளது. 

பாகிஸ்தான் அணியில் சதாப் கான் காயம் காரணமாக தொடரிலிருந்து விலகியிள்ளதால் அவருக்கு பதிலாக உஸ்மான் காதிர் அணியில் சேர்க்கப்பட்டுள்ளார். 

தென்ஆப்பிரிக்கா: மார்க்ரம், ஜே.மாலன், ஜேஜே ஸ்மட்ஸ், டெம்பா பவுமா (கே), கைல் வெர்ரெய்ன், ஹென்ட்ரிச் கிளாசென் (வ), ஆண்டிலே பெஹ்லுக்வாயோ, கேசவ் மகாராஜ், டேரின் டுபவில்லன், பியூரன் ஹென்ட்ரிக்ஸ், லூத்தோ சிபாம்லா

பாகிஸ்தான்: இமாம் உல் ஹக், ஃபகர் ஸமான், பாபர் அசாம் (கே), முகமது ரிஸ்வான், சர்பராஸ் அகமது, முகமது நவாஸ், பஹீம் அஷ்ரப், ஹசன் அலி, ஷாஹீன் அஃப்ரிடி, உஸ்மான் காதிர், ஹாரிஸ் ராவூப்.