SL vs AUS: ஆஸி வேகப்பந்து வீச்சாளர் விலகல்!

ஆஸ்திரேலிய அணி இலங்கைக்குச் சுற்றுப்பயணம் செய்து 3 டி20, 5 ஒருநாள், 2 டெஸ்டுகளில் விளையாடுகிறது. இத்தொடரின் முதல் டி20 போட்டி கொழும்புவில் இன்று  தொடங்குகிறது. 

இப்போட்டிக்கான இரு அணிகளின் பிளேயிங் லெவனும் அறிவிக்கப்பட்டுள்ளது. இதில் டி20 தொடருக்கான் ஆஸ்திரேலிய அணியில் வேகப்பந்துவீச்சாளார் சீன் அபேட் செர்க்கப்பட்டிருந்தார்.

இந்நிலையில் பயிற்சியின்போது வேகப்பந்துவீச்சாளர் சீன் அபெட்டிற்கு விரலில் காயம் ஏற்பட்டது. இதையடுத்து அவர் டி20 தொடரிலிருந்து விலகி ஆஸ்திரேலியாவுக்குத் திரும்பிச் செல்லவுள்ளார். 

இதனை ஆஸ்திரேலிய கிரிக்கெட் வாரியமும் உறுதிசெய்துள்ளது. தற்போது 30 வயதாகும் சீன் அபெட்ஆஸ்திரேலிய அணிக்காக 5 ஒருநாள், 8 டி20 ஆட்டங்களில் விளையாடியுள்ளார். ஆஸி. அணி பாகிஸ்தானுக்குச் சுற்றுப்பயணம் செய்தபோது 3 ஒருநாள் மற்றும் ஒரு டி20 ஆட்டத்தில் அவர் விளையாடினார். 

அதேபோல் ஆஸ்திரேலிய ஏ அணியில் இடம்பிடித்திருந்த பீட்டர் ஹெண்ட்ஸ்கோம்ப், குழந்தைப்பிறப்பு காரணமாக அணியிலிருந்து விலகியுள்ளார். அவருக்கு மாற்றாக ஜிம்மி பெர்ஸன் அணியில் சேர்க்கப்பட்டுள்ளார்.