எஸ்ஏ20, சாம்பியன்ஸ் கோப்பை தொடரிலிருந்து விலகினார் ஆன்ரிச் நோர்ட்ஜே!
பாகிஸ்தான் மற்றும் ஐக்கிய அரபு அமீரகத்தில் நடப்பு ஐசிசி சாம்பியன்ஸ் கோப்பை கிரிக்கெட் தொடரானது வரும் பிப்ரவரி 19ஆம் தேதி முதல் நடைபெறவுள்ளது. ஒருநாள் தரவரிசையில் முதல் 8 இடங்களை பிடித்துள்ள அணிகள் நேருக்கு நேர் மோதவுள்ளதால் இத்தொடரின் மீதான எதிர்பார்ப்புகள் அதிகரித்துள்ளன. இதில் எட்டு அணிகளும் இரு குழுக்களாக பிரிந்து இத்தொடரை எதிர்கொள்கின்றனர்.
இதில் குரூப் ஏ பிரிவில் இந்தியா, பாகிஸ்தான், நியூசிலாந்து மற்று வங்கதேச அணிகளும், குரூப் பி பிரிவில் ஆஸ்திரேலியா, இங்கிலாந்து, தென் ஆப்பிரிக்கா மற்றும் ஆஃப்கானிஸ்தான் அணிகளும் இடம்பிடித்துள்ளன. இதையடுத்து இத்தொடரில் பங்கேற்கும் அணிகளை அந்தந்த கிரிக்கெட் வாரியங்கள் அறிவித்து வருகின்றன. அந்தவகையில் இத்தொடரில் பங்கேற்கும் 15 பேர் அடங்கிய தென் ஆப்பிரிக்க அணியை தென் ஆப்பிரிக்க கிரிக்கெட் வாரியம் சமீபத்தில் அறிவித்தது.
டெம்பா பவுமா தலைமையிலான இந்த தென் ஆப்பிரிக்க அணியில் கயத்தில் இருந்து மீண்டள்ள வேகப்பந்து வீச்சாளர்கள் அன்ட்ரிச் நோர்ட்ஜே, லுங்கி இங்கிடி ஆகியோர் சேர்க்கப்பட்டிருந்தனர். இதுதவிர்த்து டோனி டி ஸோர்ஸி, டிரிஸ்டன் ஸட்ப்ஸ், வியான் முல்டர் மற்றும் ரியான் ரிக்கெல்டன் ஆகியோருக்கும் இந்த அணியில் வாய்ப்பு கிடைத்துள்ளது. மேற்கொண்டு டேவிட் மில்லர், ஹென்ரிச் கிளாசென், கேசவ் மஹாராஜ், மார்கோ ஜான்சென், காகிசோ ரபாடா ஆகியோரும் தங்களது இடத்தை உறுதிசெய்துள்ளனர்.
இந்நிலையில் இத்தொடருக்கு முன்னரே தென் ஆப்பிரிக்க அணிக்கு பெரும் பின்னடைவு ஏற்பட்டுள்ளது. காயத்தில் இருந்து மீண்டு கம்பேக் கொடுத்திருந்த ஆன்ரிச் நோர்ட்ஜே தற்போது மீண்டும் காயம் காரணமாக எஸ்ஏ20 மற்றும் சாம்பியன்ஸ் கோப்பை கிரிக்கெட் தொடர்களில் இருந்து விலகியதாக அறிவிக்கப்பட்டுள்ளது. இதனை எஸ்ஏ20 லீக் தொடரில் அவர் விளையாடி வரும் பிரிட்டோரியா கேப்பிட்டல்ஸ் அணி நேற்று அதிகாரப்பூர்வமாக அறிவித்துள்ளது.
முன்னதாக ஆன்ட்ரிச் நோட்ர்ஜே கடந்த 2023ஆம் ஆண்டு செப்டம்பர் மாதம் காயத்தை சந்தித்தார். இதனால் அந்த ஆண்டு நடைபெற்ற ஐசிசி ஒருநாள் உலக்கோப்பை தொடரை தவறவிட்ட அவர், அதன்பின் நடைபெற்ற ஒருநாள் போட்டிகளிலும் பங்கேற்காமல் இருந்து வந்தார். இந்நிலையில் கிட்டத்திட்ட் 15 மாதங்களுக்கு பிறகு அவர் மீண்டும் தென் ஆப்பிரிக்க ஒருநாள் அணிக்காக தேர்வுசெய்யப்பட்ட நிலையில் தற்போது மீண்டும் காயத்தை சந்தித்துள்ளது அணிக்கு பெரும் பின்னடைவாக பார்க்கப்படுகிறது.
அதேசமயம் சாம்பியன்ஸ் கோப்பை கிரிக்கெட் தொடரில் இருந்து விலகிய ஆன்ரிச் நோர்ட்ஜேவுக்கு பதிலான மாற்று வீரரை தென் ஆப்பிரிக்க கிரிக்கெட் வாரியம் விரையில் அறிவிக்கும் என்றும் கூறப்பட்டுள்ளது. அந்தவகையில் காயத்தில் இருந்து மீண்டுள்ள மற்றொரு வேகப்பந்து வீச்சாளர் ஜெரால்ட் கோட்ஸி அல்லது இளம் வேகப்பந்து வீச்சாளர் குவேனா மபாகா ஆகியோருக்கு வாய்ப்பு கிடைக்கும் என்று எதிர்பார்க்கப்படுகிறது.
Also Read: Funding To Save Test Cricket
தென் ஆப்பிரிக்க ஒருநாள் அணி: டெம்பா பவுமா (கேப்டன்), டோனி டி ஸோர்ஸி, மார்கோ ஜான்சன், ஹென்ரிச் கிளாசென், கேசவ் மகாராஜ், ஐடன் மார்க்ராம், டேவிட் மில்லர், வியான் முல்டர், லுங்கி இங்கிடி, அன்ரிச் நோர்ட்ஜே, காகிசோ ரபாடா, ரியான் ரிக்கல்டன், தப்ரைஸ் ஷம்சி, டிரிஸ்டன் ஸ்டப்ஸ், ராஸ்ஸி வான்டெர் டுசென்.