இலங்கை - வெஸ்ட் இண்டீஸ் அணிகளுக்கு இடையேயான முதல் டெஸ்ட் போட்டி கல்லேவில் இன்று தொடங்கியது. இதில் டாஸ் வென்ற இலங்கை அணி முதலில் பேட்டிங் செய்யவதாக அறிவித்தது.
அதன்படி களமிறங்கிய இலங்கை அணிக்கு தொடக்க வீரர்கல் பதும் நிஷங்கா - கேப்டன் கருணரத்னே இணை அதிரடியான தொடக்கத்தைக் கொடுத்தது. இதில் இருவரும் அரைசதம் கடந்தும் அசத்தினர்.
அதன்பின் 56 ரன்கள் எடுத்திருந்த நிஷங்கா கேப்ரியல் பந்துவீச்சில் ஆட்டமிழக்க, அடுத்து வந்த ஓஷதா ஃபெர்னாண்டோ, ஏஞ்சலோ மேத்யூஸ் ஆகியோர் தலா 3 ரன்களில் ஆட்டமிழந்து ஏமாற்றமளித்தனர்.
இருப்பினும் மறுமுனையில் சிறப்பான ஆட்டத்தை வெளிப்படுத்தி வந்த கேப்டன் திமுத் கருணரத்னே சதமடித்து அசத்தினார். அவருடன் இணைந்து விளையாடிய தனஞ்செய டி சில்வாவும் அரைசதம் அடித்தார்.
Also Read: T20 World Cup 2021
இதன் மூலம் முதல் நாள் ஆட்டநேர முடிவில் இலங்கை அணி மூன்று விக்கெட்டுகளை மட்டும் இழந்து 267 ரன்களைச் சேர்த்தது. இலங்கை அணி தரப்பில் கேப்டன் திமுத் கருணரத்னே 132 ரன்களுடனு, தனஞ்செய டி சில்வா 56 ரன்களுடனும் களத்தில் உள்ளனர்.