சன்ரைசர்ஸ் ஹைதராபாத் vs குஜராத் டைட்டன்ஸ்- அணிகள் ஓர் அலசல்!

ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வரும் 18ஆவது சீசன் ஐபிஎல் தொடரில் இன்று நடைபெறும் 19ஆவது லீக் போட்டியில் பாட் கம்மின்ஸ் தலைமையிலான சன்ரைசர்ஸ் ஹைதராபாத் மற்றும் ஷுப்மன் கில் தலைமையிலான குஜராத் டைட்டன்ஸ் அணிகள் பலப்பரீட்சை நடத்தவுள்ளன.

இவ்விரு அணிகளுக்கும் இடையேயான இப்போட்டியானது ஹைதராபாத்தில் உள்ள ராஜீவ் காந்தி சர்வதேச கிரிக்கெட் மைதானத்தில் நடைபெறவுள்ளது. இதில் சன்ரைசர்ஸ் ஹைதராபாத் அணியானது அடுத்தடுத்த தோல்விக்களுக்கு பிறகும், குஜராத் டைட்டன்ஸ் அணி அடுத்தடுத்த வெற்றிகளுக்கு பிறகும் இப்போட்டியை எதிர்கொள்கின்றன. இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம். 

சன்ரைசர்ஸ் ஹைதராபாத்

பாட் கம்மின்ஸ் தலைமையிலான சன்ரைசர்ஸ் ஹைதராபாத் அணி நடப்பு ஐபிஎல் தொடரை அதிரடியாக தொடங்கிய நிலையில், அதன்பின் அடுத்தடுத்து ஹாட்ரிக் தோல்விகளைச் சந்தித்து ரசிகர்களை ஏமாற்றத்தில் ஆழ்த்தியுள்ளது. அந்த அணியின்பேட்டிங்கில் டிராவிஸ் ஹெட், அபிஷேக் சர்மா, இஷான் கிஷான், ஹென்ரிச் கிளாசென், நிதீஷ் ரெட்டி உள்ளிட்டோரு இருக்கும் நிலையிலும் கடந்த சில போட்டிகளாக அந்த அணி ரன்களைச் சேர்க்க தவறி வருவது பெரும் சிக்கலை உருவாக்கியுள்ளது.

மேற்கொண்டு அணியின் பந்துவீச்சை பொறுத்தவரையில் கேப்டன் பாட் கம்மின்ஸ், முகமது ஷமி, ஹர்ஷல் படேல் ஆகியோர் முக்கிய பங்கு வகிக்கின்றனர். அவர்களுடன் சிமர்ஜித் சிங், ஆடம் ஸாம்பா உள்ளிட்டோரும் அணிக்கு வழு சேர்க்கின்றனர். இருப்பினும் அந்த அணியின் பந்துவீச்சு துறை ரன்களைக் கட்டுப்படுத்த தவறுவது பெரும் பின்னடவாக பார்க்கப்படுகிறது. இதனால் இன்றைய ஆட்டத்தில் அந்த அணி தங்களின் அணுகுமுறையை மாற்றுமா என்பதை பொறுத்திருந்து தான் பார்க்க வேண்டும்.

சன்ரைசர்ஸ் ஹைதராபாத் உத்தேச லெவன்: டிராவிஸ் ஹெட், அபிஷேக் சர்மா, இஷான் கிஷன், நிதிஷ் குமார் ரெட்டி, கமிந்து மெண்டிஸ், ஹென்ரிச் கிளாசென், அனிகேத் வர்மா, பாட் கம்மின்ஸ் (கேப்டன்), ஹர்ஷல் படேல், சிமர்ஜீத் சிங், முகமது ஷமி.

குஜராத் டைட்டன்ஸ்

ஷுப்மன் கில் தலைமையிலான குஜராத் டைட்டன்ஸ் அணி நடப்பு ஐபிஎல் தொடரில் அடுத்தடுத்து வெற்றிகளைப் பதிவுசெய்து அசத்தியுள்ளது. அந்த அணியின் பேட்டிங்கைப் பொறுத்தவரையில் ஜோஸ் பட்லர், சாய் சுதர்ஷன், ஷெர்ஃபேன் ரூதர்ஃபோர்ட் உள்ளிட்டோர் பாரமான ஃபார்மில் உள்ளனர். அவர்களுடன், ஷாரூக் கான், ராகுல் திவேத்தியா, கிளென் பிலீப்ஸ், மஹிபால் லாம்ரோர் உள்ளிட்டோரும் ஃபார்க்கும் திரும்பினால் அது அணிக்கு மிக்கப்பெரும் உத்வேகத்தை அளிக்கும்.

பந்துவீச்சைப் பொறுத்தவரையில் வேகப்பந்து வீச்சில் முகமது சிராஜ், காகியோ ரபாடா ஆகியோரும், சுழற்பந்துவீச்சில் ரஷித் கான், சாய் கிஷோர் ஆகியோரும் அபாரமான பந்துவீச்சை வெளிப்படுத்தி வருகிறனர். அவர்களுடன் பிரஷித் கிருஷ்ணா, அர்ஷத் கான் உள்ளிட்டோரும் சோபிக்கும் பட்சத்தில் எதிரணி பேட்டர்களுக்கு அது நிச்சயம் தலைவலியாக அமையும் என்பதில் சந்தேகமில்லை என்பது குறிப்பிடத்தக்கது. 

குஜராத் டைட்டன்ஸ் உத்தேச லெவன்: சாய் சுதர்ஷன், ஷுப்மான் கில் (கேப்டன்), ஜோஸ் பட்லர், ஷெர்பேன் ரூதர்ஃபோர்ட், ஷாருக் கான், ராகுல் திவேத்தியா, அர்ஷத் கான், ரஷித் கான், சாய் கிஷோர், முகமது சிராஜ், பிரசித் கிருஷ்ணா.

நேருக்கு நேர்

• மோதிய போட்டிகள் - 05
• குஜராத் டைட்டன்ஸ் - 03
• சன்ரைசர்ஸ் ஹைதராபாத் - 01
• முடிவில்லை - 01

Also Read: Funding To Save Test Cricket

ஃபேண்டஸி லெவன் டிப்ஸ்

• விக்கெட் கீப்பர்- ஜோஸ் பட்லர் (துணைக்கேப்டன்), ஹென்ரிச் கிளாசன், இஷான் கிஷன்
• பேட்ஸ்மேன்கள் - டிராவிஸ் ஹெட் (கேப்டன்), ஷுப்மன் கில், சாய் சுதர்ஷன், ஷெர்பேன் ரூதர்ஃபோர்ட், அனிகேத் வர்மா
• ஆல்-ரவுண்டர் - நிதிஷ் குமார் ரெட்டி
• பந்து வீச்சாளர்கள்- பாட் கம்மின்ஸ், முகமது சிராஜ்.