ஆஸ்திரேலியாவில் நடைபெற்றுவரும் எட்டாவது சீசன் டி20 உலகக்கோப்பை தொடர் தற்போது பரபரப்பான கட்டத்தை எட்டியுள்ளது. தற்போது சூப்பர் 12 சுற்றில் விளையாடும் எந்த நான்கு அணிகள் அரையிறுதிச்சுற்றுக்கு முன்னேறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளது.
இதில் நாளை நடைபெறும் சூப்பர் 12 ஆட்டத்தில் குரூப் ஒன்றில் இடம்பிடித்துள்ள இலங்கை - ஆஃப்கானிஸ்தான் அணிகள் பலப்பரீட்சை நடத்துகின்றன. பிரிஸ்பேனில் உள்ள கபா கிரிக்கெட் மைதானத்தில் நடைபெறும் இப்போட்டி இந்திய நேரப்படி காலை 9.30 மணிக்கு நடைபெறுகிறது.
இதில் தசுன் ஷனகா தலைமையிலான இலங்கை அணி நடப்பு உலகக்கோப்பை தொடரில் விளையாடிய மூன்று போட்டிகளில் இரண்டு தோல்வி, ஒரு வெற்றியைப் பெற்று புள்ளிப்பட்டியலின் கடைசி இடத்தில் உள்ளது.
அதேசமயம் ஆஃப்கானிஸ்தான் அணியும் இத்தொடரில் இரு தோல்வி, இரு போட்டிகள் மழையால் ரத்து செய்யப்பட்டு ஒரு புள்ளிகளைப் பெற்றது. இதனால் அந்த அணியும் இரண்டு புள்ளிகளுடன் புள்ளிப்பட்டியளின் ஐந்தாவது இடத்தில் உள்ளது.
சமபலத்துடன் இருக்கும் இரு அணிகளும் இப்போட்டியில் மோதவுள்ளதால் இப்போட்டியின் மீது எதிர்பார்ப்புகள் இருந்தாலும், இந்த இரு அணிகளாலும் அரையிறுதிக்கு முன்னேற முடியாத காரணத்தால்
இப்போட்டியில் சுவரஸ்யம் இருக்காது என கருதப்படுகிறது.
போட்டி தகவல்கள்
- மோதும் அணிகள் - இலங்கை vs ஆஃப்கானிஸ்தான்
- இடம் - கபா கிரிக்கெட் மைதானம், பிரிஸ்பேன்
- நேரம் - காலை 9.30 மணி (இந்திய நேரப்படி)
நேருக்கு நேர்
- மோதிய போட்டிகள் - 03
- இலங்கை - 02
- ஆஃப்கானிஸ்தான் - 01
உத்தேச லெவன்
ஆஃப்கானிஸ்தான்: ஹஸ்ரதுல்லா ஸஸாய், ரஹ்மானுல்லா குர்பாஸ், இப்ராஹிம் ஸத்ரான், உஸ்மான் கானி, நஜிபுல்லா ஜத்ரான், முகமது நபி (கே), அஸ்மதுல்லா உமர்சாய், ரஷித் கான், முஜீப் உர் ரஹ்மான், ஃபரீத் அகமது, ஃபசல்ஹக் ஃபரூக்கி
இலங்கை: பதும் நிஷங்க, குசல் மெண்டிஸ், தனஞ்சய டி சில்வா, சரித் அசலங்கா, பானுக ராஜபக்ச, தசுன் ஷனக(கே), வனிந்து ஹசரங்க, சமிக கருணாரத்னே, மஹீஷ் தீக்ஷனா, லஹிரு குமார, கசுன் ராஜித.
ஃபேண்டஸி லெவன் டிப்ஸ்
- விக்கெட் கீப்பர்: குசல் மெண்டிஸ், ரஹ்மானுல்லா குர்பாஸ்
- பேட்டர்: பதும் நிஷங்க, உஸ்மான் கானி, நஜிபுல்லா ஸத்ரன்
- ஆல்ரவுண்டர்கள்: வனிந்து ஹசரங்க, ஒமர்சாய்
- பந்துவீச்சாளர்: ரஷித் கான், ஃபரூக்கி, மஹேஷ் தீக்ஷனா, கசுன் ராஜித