டி20 உலக கோப்பை தொடரின் சூப்பர் 12 சுற்று இறுதிக்கட்டத்தை எட்டியுள்ளது. அதேவேளையில், சுவாரஸ்யமான கட்டத்திலும் உள்ளது. குரூப் ஒன்றிலிருந்து நியூசிலாந்து அணி அரையிறுதிக்கு முன்னேறிவிட்ட நிலையில், ஆஸ்திரேலிய அணி 7 புள்ளிகளுடன் 2ஆம் இடத்தில் உள்ளது.
ஆனால் இங்கிலாந்து - இலங்கை இடையேயான நாளைய போட்டியில் இங்கிலாந்து வெற்றிபெற்றால் 7 புள்ளிகளை பெற்று நெட் ரன்ரேட்டின் அடிப்படையில் இங்கிலாந்து அணி அரையிறுதிக்கு முன்னேறும். அதேவேளையில் இலங்கை அணி வெற்றிபெற்றால் ஆஸ்திரேலிய அணி அரையிறுதிக்கு முன்னேறும்.
இங்கிலாந்து - இலங்கை இடையேயான இந்த முக்கியமான போட்டி நாளை இந்திய நேரப்படி பிற்பகல் 1.30 மணிக்கு போட்டி தொடங்கும். இந்த போட்டி சிட்னியில் நடப்பதால், இலங்கையை குறைத்து மதிப்பிட்டு, இங்கிலாந்து கண்டிப்பாக வென்று விடும் என்று கூறமுடியாது.
ஆஸ்திரேலியாவில் சிட்னி ஆடுகளம் மட்டுமே துணைக்கண்ட ஆடுகளங்களை போல ஸ்பின்னிற்கு ஒத்துழைப்பாக இருக்கும். எனவே மஹீஷ் தீக்ஷனா, வனிந்து ஹசரங்கா என தரமான ஸ்பின்னர்களை பெற்றுள்ள இலங்கை அணி சிட்னியில் கண்டிப்பாக இங்கிலாந்துக்கு கடும் சவாலளிக்கும். இங்கிலாந்து அணிக்கு இது கடும் சவாலான போட்டியாக இருக்கும்.
வெறும் 4 புள்ளிகளை மட்டுமே பெற்றுள்ள இலங்கை அணிக்கு இந்த போட்டியில் இழப்பதற்கு எதுவுமில்லை. ஆனால் இங்கிலாந்தின் அரையிறுதி வாய்ப்பை இலங்கையால் கெடுக்க முடியும். இருந்தாலும் அந்த அணி போராட்ட குணத்தைக் கொண்டுள்ளதால் நிச்சயம் இலங்கை அணி இப்போட்டியை எளிதாக விட்டுக்கொடுக்காது என எதிர்பார்க்கப்படுகிறது.
இங்கிலாந்து அணியில் ஜோஸ் பட்லர், அலெக்ஸ் ஹேல்ஸ், மொயின் அலி, பென் ஸ்டோக்ஸ் உள்ளிட்டோரும், மார்க் வுட், கிறிஸ் வோக்ஸ், ஆதில் ரஷித் பந்துவீச்சுலும் இருப்பதும் அந்த அணிக்கு பெரும் பலமாக பார்க்கப்படுகிறது.
அதேசமயம் இலங்கை அணியிலும் குசால் மெண்டிஸ், தனஞ்செய டி சில்வா, பனுகா ராஜபக்ஷா போன்ற பேட்டர்களும், வநிந்து ஹசர்ஙா, மஹீஷ் தீக்க்ஷனா, லஹிரு குமாரா ஆகியோரும் இருப்பது அந்த அணிக்கு பலமாக பார்க்கப்படுகிறது.
போட்டி தகவல்கள்
- மோதும் அணிகள் - இங்கிலாந்து vs இலங்கை
- இடம் - சிட்னி கிரிக்கெட் மைதானம்
- நேரம் - மதியம் 1.30 மணி
நேருக்கு நேர்
- மோதிய போட்டிகள் - 13
- இங்கிலாந்து - 09
- இலங்கை - 04
உத்தேச லெவன்
இங்கிலாந்து: ஜோஸ் பட்லர் (கே), அலெக்ஸ் ஹேல்ஸ், டேவிட் மாலன், பென் ஸ்டோக்ஸ், லியாம் லிவிங்ஸ்டோன், ஹாரி புரூக், மொயின் அலி, சாம் குர்ரன், கிறிஸ் வோக்ஸ், அடில் ரஷித், மார்க் வுட்.
இலங்கை: பதும் நிஸ்ஸங்க, குசல் மெண்டிஸ், தனஞ்சய டி சில்வா, சரித் அசலங்கா, பானுக ராஜபக்ச, தசுன் ஷனக(கே), வனிந்து ஹசரங்க, சமிக கருணாரத்னே, மஹீஷ் தீக்ஷனா, லஹிரு குமார, கசுன் ராஜித.
ஃபேண்டஸி லெவன் டிப்ஸ்
- விக்கெட் கீப்பர்: ஜோஸ் பட்லர், குசல் மெண்டிஸ்
- பேட்டிங்: டேவிட் மாலன், பதும் நிஷங்கா, அலெக்ஸ் ஹேல்ஸ், சரித் அசலங்கா
- ஆல்-ரவுண்டர்: லிவிங்ஸ்டோன், சாம் கர்ரன்
- பந்துவீச்சு: மஹீஷ் தீக்ஷனா, வநிந்து ஹசரங்கா,மார்க் வூட்