ஐபிஎல் 2021: எஸ்.ஆர்.எச்.சின் கேப்டான வில்லியம்சன் நியமனம்!

Updated: Sat, May 01 2021 19:33 IST
Image Source: Google

ஐபிஎல் தொடரின் 14ஆவது சீசனில் மிகவும் மோசமான ஆட்டத்தை வெளிப்படுத்தி வருகிறது சன்ரைசர்ஸ் ஹைதராபாத் அணி. இதுவரை 6 போட்டிகளில் பங்கேற்று 1 வெற்றி மட்டுமே பெற்று கடைசி இடத்தில் உள்ளது. ஹைதராபாத் அணியின் இந்தத் தோல்வி குறித்து டேவிட் வார்னர் கடந்தப் போட்டியின் போது மிகவும் வருத்தப்பட்டு பேசியிருந்தார்.

இந்நிலையில் ஹைதராபாத் அணி தன்னுடைய ட்விட்டர் பக்கத்தில் செய்திக் குறிப்பு ஒன்றை வெளியிட்டுள்ளது அதில் "ஹைதராபாத் அணியின் கேப்டன் பொறுப்பை இனி கேன் வில்லியம்சன் ஏற்பார். இனி எஞ்சியிருக்கும் ஐபிஎல் போட்டிகளுக்கும் கேன் வில்லியம்சன் கேப்டனாக இருப்பார். இது நாளை நடைபெற இருக்கும் ராஜஸ்தான் ராயல்ஸ் அணிக்கு எதிரான போட்டியில் இருந்து அமலுக்கு வருகிறது.

தொடக்க வீரர்களான டேவிட் வார்னர் - ஜானி பேர்ஸ்டோ ஜோடியும் நாளைய போட்டியில் மாற்றப்படும். கேப்டன்சி பொறுப்பை மாற்றுவது குறித்து நீண்ட ஆலோசனைக்கு பின்பு முடிவு மேற்கொள்ளப்பட்டது. டேவிட் வார்னர் காலம் காலமாக ஹைதராபாத் அணிக்கு சிறப்பான பங்கை அளித்து வருகிறார். இனி எஞ்சியிருக்கும் போட்டிகளில் வார்னர் தனது பங்களிப்பை தொடர்ந்து வழங்குவார்" என குறிப்பிடப்பட்டுள்ளது. 

TAGS

தொடர்புடைய கிரிக்கெட் செய்திகள் ::

அதிகம் பார்க்கப்பட்டவை