சையது முஷ்டாக் அலி 2021: தமிழ்நாடு vs கர்நாடகா - கோப்பையை வெல்வது யார்?

இந்தியாவின் உள்ளூர் டி20 கிரிக்கெட் தொடரான சையத் முஷ்டாக் அலி கோப்பை தொடரின் நடப்பு சீசன் இறுதிக்கட்டத்தை எட்டியுள்ளது. 

இதில் நடப்பு சாம்பியன் தமிழ்நாடு அணியும், முன்னாள் சாம்பியன் கர்நாடகா அணியும் இறுதிப்போட்டிக்கு முன்னேறியுள்ளனர். 

முன்னதாக நேற்று நடைபெற்ற அரையிறுதி போட்டிகாளில் நடப்புச் சாம்பியனான தமிழ்நாடு அணி 8 விக்கெட்டுகள் வித்தியாசத்தில் ஹைதராபாதை வீழ்த்தி முதல் அணியாக இறுதி போட்டிக்கு முன்னேறியது. 

அதேபோல், கா்நாடக அணி 4 ரன்கள் வித்தியாசத்தில் விதா்பாவை வென்று இறுதி சுற்றுக்கு வந்துள்ளது. 

இரு அணிகளும் இதற்கு முன் 2019ஆம் ஆண்டு நடைபெற்ற சையத் முஷ்டாக் அலி தொடரின் இறுதிப் போட்டியில் நேருக்கு நேர் மோதியது. அப்போட்டியில் கர்நாடக அணி 9 விக்கெட்டுகள் வித்தியாசத்தில் வெற்றிபெற்று கோப்பையை தட்டி சென்றது. 

அப்போது ஏற்பட்ட தோல்விக்கு பதிலடி கொடுக்கும் விதத்தில் தமிழ்நாடு அணி இப்போட்டியை வென்றாக வேண்டிய கட்டாயத்தில் உள்ளது. 

உத்தேச அணி
தமிழ்நாடு: ஹரி நிஷாந்த், ஜெகதீசன் , சாய் சுதர்சன், விஜய் சங்கர் (கே), சஞ்சய் யாதவ், ஷாருக் கான், முகமது, முருகன் அஷ்வின், சாய் கிஷோர், சரவண குமார், சந்தீப் வாரியர்.

Also Read: T20 World Cup 2021

கர்நாடகா: ரோஹன் கதம், பிஆர் ஷரத், மணீஷ் பாண்டே (கே), கருண் நாயர், அபினவ் மனோகர், அனிருத்தா ஜோஷி, விஜய்குமார் வைஷாக், ஜகதீஷா சுசித், கே.சி. கரியப்பா, வித்யாதர் பாட்டீல், தர்ஷன்.