டி20 உலகக்கோப்பை: டேவிட் வைஸ் அதிரடியில் நமீபியா அசத்தல் வெற்றி!

நெதர்லாந்து அணிக்கெதிரான உலகக்கோப்பை போட்டியில் நமீபியா அணி 6 விக்கெட் வித்தியாசத்தில் அபார வெற்றியைப் பதிவுசெய்தது.

டி20 உலகக்கோப்பை தொடரில் இன்று நடைபெற்ற 7ஆவது லீக் ஆட்டத்தில் நெதர்லாந்து - நமீபியா அணிகள் பலப்பரீட்சை நடத்தின. இதில் டாஸ் வென்ற நமீபியா அணி முதலில் பந்துவீச தீர்மானித்தது. 

அதன்படி களமிறங்கிய நெதர்லாந்து அணி மேக்ஸ் ஓடவுட்டின் அதிரடியான அரைசதத்தினால் 20 ஓவர்கள் முடிவில் 4 விக்கெட்டுகளை இழந்து 164 ரன்களைச் சேர்த்தது. இதில் அதிகபட்சமாக் ஓடவுட் 70 ரன்களைச் சேர்த்தார்.

இதையடுத்து கடின இலக்கை துரத்திய நமீபியா அணி ஆரம்பத்திலேயே 3 விக்கெட்டுகளை இழந்து தடுமாறியாது. அதன்பின் ஜோடி சேர்ந்த கேப்டன் எரஸ்மஸ் - டேவிட் வைஸ் இணை அதிரடியாக விளையாடி அணியின் ஸ்கோரை மளமளவென உயர்த்தியது. 

இதில் டேவிட் வைஸ் அரைசதம் கடந்து அசத்தினார். இதன்மூலம் 19 ஓவர்களிலேயே நமீபியா அணி இலக்கை எட்டி 6 விக்கெட் வித்தியாசத்தில் நெதர்லாந்தை வீழ்த்தி அசத்தியது.

இத்தோல்வியின் மூலம் நெதர்லாந்து அணி டி20 உலகக்கோப்பை சூப்பர் 12 சுற்றுக்கான வாய்ப்பை இழந்து தொடரிலிருந்து வெளியேறியது.