டிஎன்பிஎல் 2021 : ராஜகோபால் அதிரடியில் கோவை அணிக்கு 160 ரன்கள் இலக்கு!

டிஎன்பிஎல் தொடரில் இன்று நடைபெற்று வரும் 24ஆவது லீக் ஆட்டத்தில் லைகா கோவை கிங்ஸ் - சேப்பாக் சூப்பர் கில்லீஸ் அணிகள் விளையாடி வருகின்றன. இதில் டாஸ் வென்ற கோவை அணி முதலில் பந்துவீசத் தீர்மானித்தது. 

இதையடுத்து களமிறங்கிய சேப்பாக் சூப்பர் கில்லீஸ் அணி தொடக்கம் முதலே விக்கெட்டுகளை இழந்து தடுமாறியது. அதன்பின் ஜோடி சேர்ந்த சாய் கிஷோர் - ராஜகோபால் சதிஷ் சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தியது. 

பின் 31 ரன்களில் சாய் கிஷோர் ஆட்டமிழக்க, மறுமுனையில் ராஜகோபால் சதிஷ் அரைசதம் கடந்து அசத்தினர். பின் அவரும் 64 ரன்களில் ஆட்டமிழக்க, 20 ஓவர்கள் முடிவில் சேப்பாக் அணி 7 விக்கெட்டுகளை இழந்து 159 ரன்களை எடுத்தது.

லைகா கோவை அணி தரப்பில் அபிஷேக் தன்வர், செல்வ குமரன், வல்லியப்பன் யுத்திஸ்வரன் ஆகியோர் தலா 2 விக்கெட்டுகளைக் கைப்பற்றினர்.