டிஎன்பிஎல் எலிமினேட்டர் : ஹரி நிஷாந்த், விவேக் அதிரடியில் கோவையை வீழ்த்தியது திண்டுக்கல்!

டிஎன்பிஎல் எலிமினேட்டர் சுற்றில் திண்டுக்கல் டிராகன்ஸ் - லைகா கோவை கிங்ஸ் அணிகள் மோதின. இதில்டாஸ் வென்ற திண்டுக்கல் அணி முதலில் பந்துவீச தீர்மானித்து விளையாடியது. 

இதையடுத்து களமிறங்கிய கோவை அணி சாய் சுதர்சனின் அதிரடியான ஆட்டத்தால் 20 ஓவர்கள் முடிவில் 6 விக்கெட் இழப்பிற்கு 143 ரன்களை எடுத்தது. இறுதிவரை ஆட்டமிழக்காமல் இருந்த சாய் சுதர்சன் 57 ரன்களைச் சேர்த்தார்.

அதன்பின் இலக்கை நோக்கி களமிறங்கிய திண்டுக்கல் அணியில் சுரேஷ், மணி பாரதி, ஸ்ரீநிவாசன் ஆகியோர் சொற்ப ரன்களில் ஆட்டமிழந்து ஏமாற்றமளித்தனர். 

இதையடுத்து ஜோடி சேர்ந்த ஹரி நிஷாந்த் - விவேக் இணை அதிரடியான பேட்டிங்கை வெளிப்படுத்தி அணியின் ஸ்கோரை மளமளவென உயர்த்தியது. இதில் இருவரும் அரைசதம் கடந்து அசத்தினார். 

இதன் மூலம் திண்டுக்கல் டிராகன்ஸ் அணி 5 விக்கெட் வித்தியாசத்தில் லைகா கோவை கிங்ஸ் அணியை வீழ்த்தில், இரண்டாவது தகுதிச் சுற்று போட்டிக்கு முன்னேறியுள்ளது.