அண்டர் 19 உலகக்கோப்பை: வங்கதேசத்தை பந்தாடியது இங்கிலாந்து!

அண்டர் 19 உலகக்கோப்பை: வங்கதேச அணிக்கெதிரான போட்டியில் இங்கிலாந்து அணி 7 விக்கெட் வித்தியாசத்தில் அபார வெற்றியைப் பெற்றது.

ஐசிசி அண்டர் 19 உலகக் கோப்பை கிரிக்கெட் போட்டித் தொடர் வெஸ்ட் இண்டீசில் நடைபெற்று வருகிறது. இத்தொடரில் நேற்று நடைபெற்ற போட்டி ஒன்றில் நடப்பு சாம்பியன் வங்கதேசம் அணி இங்கிலாந்தை எதிர்கொண்டது.   

இப்போட்டியில் டாஸ் வென்ற வங்கதேசம் முதலில் களம் இறங்கியது. இங்கிலாந்து அணியின் அபார பந்து வீச்சால் அந்த அணி வீரர்கள் அடுத்தடுத்து விக்கெட்டுகளை இழந்தனர். 

இதனால் 35.2 ஓவர்கள் முடிவில் வங்கதேசம் 97 ரன்களுக்கு ஆட்டமிழந்தது. இங்கிலாந்து தரப்பில் அதிகபட்சமாக ஜோசுவா பாய்டன் 4 விக்கெட்களை கைப்பற்றினார். 

இதை தொடர்ந்து இங்கிலாந்து அணிக்கு 96 ரன்கள் என்ற வெற்றி இலக்கு நிர்ணயிக்கப்பட்டிருந்தது. எளிய இலக்கை களம் இறங்கிய இங்கிலாந்து அணி 25 .1 ஓவர் முடிவில் 3 விக்கெட்களை இழந்து இலக்கை எட்டியது. 

இதன்மூலம் இங்கிலாந்து அண்டர் 19 அணி 7 விக்கெட் வித்தியாசத்தில் வங்கதேச அண்டர் 19 அணியை வீழ்த்தி தொடரை வெற்றியுடன் தொடங்கியுள்ளது.