அடுத்தடுத்த ஓவர்களில் விக்கெட்டுகளை வீழ்த்திய குல்தீப் யாதவ் - காணொளி!
இந்தியா - நியூசிலாந்து அணிகளுக்கு இடையேயான ஐசிசி ஆடவர் சாம்பியன்ஸ் கோப்பை கிரிக்கெட் தொடரின் இறுதிப்போட்டியானது துபாய் சர்வதேச கிரிக்கெட் மைதானத்தில் நடைபெற்று வருகிறது. இப்போட்டியில் டாஸ் வென்ற நியூசிலாந்து அணி கேப்டன் முதலில் பேட்டிங் செய்வதாக அறிவித்தார்.
இன்றைய போட்டிக்கான நியூசிலாந்து அணியில் இருந்து வேகப்பந்து வீச்சாளர் மேட் ஹென்றி காயம் காரணமாக இப்போட்டியில் இருந்து விலகியுள்ளார். இதன் காரணமாக ஆல் ரவுண்டர் நாதன் ஸ்மித்திற்கு நியூசிலாந்து பிளேயிங் லெவனில் வாய்ப்பு வழங்கப்பட்டுள்ளது. அதேசமயம் இந்திய அணியைப் பொறுத்தவரையில் எந்த மாற்றங்களும் இன்றி அதே பிளேயிங் லெவனுடன் இப்போட்டியை எதிர்கொள்கிறது.
இதையடுத்து களமிறங்கிய நியூசிலாந்து அணிக்கு வில் யங் - ரச்சின் ரவீந்திரா இணை சிறப்பான தொடக்கத்தைக் கொடுத்தனர். இருவரும் தொடக்கம் முதலே சிறப்பான ஆட்டத்தை வெளிப்படுத்தியதுடன் முதல் விக்கெட்டிற்கு 57 ரன்கள் பார்ட்னர்ஷிப் அமைத்த நிலையில், வில் யங் 15 ரன்களில் ஆட்டமிழந்தார். அதன்பின் அதிரடியாக விளையாடி வந்த ரச்சின் ரவீந்திரா 37 ரன்களில் நடையைக் கட்டினார்.
அவரைத்தொடர்ந்து களமிறங்கிய அனுபவ வீரர் கேன் வில்லியம்சன்னு 11 ரன்களை மட்டுமே எடுத்த கையோடு பெவிலுயனுக்கு நடையைக் கட்டினார். இதன் காரணமாக நியூசிலாந்து அணி 75 ரன்களிலேயே 3விக்கெட்டுகளை இழந்து தடுமாறியது. பின்னர் ஜோடி சேர்ந்துள்ள டேரில் மிட்செல் மற்றும் டாம் லேதம் இணை பொறுப்பான ஆட்டத்தை வெளிப்படுத்தி அணியின் விக்கெட் இழப்பை தடுத்து வருவதுடன், ஸ்கோரையும் சீரான வேகத்தில் உயர்த்தி வருகின்றனர்.
இந்நிலையில் இப்போட்டியில் இந்திய அணி சுழற்பந்து வீச்சாளர் குல்தீப் யாதவ் தனது முதலிரண்டு ஓவர்களிலேயே நியூசிலாந்தின் முக்கிய வீரர்களின் விக்கெட்டுகளை கைப்பற்றி அசத்தினார். அதன்படி அவர் தான் வீசிய முதல் பந்திலேயே 4 பவுண்டரி, ஒரு சிக்ஸர் என 37 ரன்களை எடுத்திருந்த ரவீந்திரா விக்கெட்டை கைப்பற்றிய நிலையில், அடுத்த ஓவரின் இரண்டாவது பந்தில் வில்லியம்சனின் விக்கெட்டையும் வீழ்த்தினார். இந்நிலையில் குல்தீப் யாதவ் விக்கெட்டுகளை வீழ்த்திய காணொளி வைரலாகி வருகிறது.
New Zealand Playing XI: வில் யங், டெவான் கான்வே, கேன் வில்லியம்சன், ரச்சின் ரவீந்திரா, டாம் லேதம், கிளென் பிலிப்ஸ், மைக்கேல் பிரேஸ்வெல், மிட்செல் சான்ட்னர் (கேப்டன்), நாதன் ஸ்மித், கைல் ஜேமிசன், வில்லியம் ஓ ரூர்க்.
Also Read: Funding To Save Test Cricket
India Playing XI: ரோஹித் சர்மா (கேப்டன்), ஷுப்மன் கில், விராட் கோலி, ஸ்ரேயாஸ் ஐயர், கேஎல் ராகுல், அக்ஸர் படேல், ஹர்திக் பாண்டியா, ரவீந்திர ஜடேஜா, முகமது ஷமி, குல்தீப் யாதவ், வருண் சக்ரவர்த்தி.