ஜெய்டன் சீல்ஸுக்கு பதிலடி கொடுத்த மிட்செல் ஸ்டார்க் - காணொளி

Mitchell Starc Video: வெஸ்ட் இண்டீஸுக்கு எதிரான மூன்றாவது டெஸ்ட் போட்டியில் அபாரமான பந்துவீச்சை வெளிப்படுத்திய ஆஸ்திரேலிய வேகப்பந்து வீச்சாளர் மிட்செல் ஸ்டார்க் 9 ரன்களை மட்டுமே கொடுத்து 6 விக்கெட்டுகளை கைப்பற்றி அசத்தினார். 

வெஸ்ட் இண்டீஸ் - ஆஸ்திரேலிய அணிகளுக்கு இடையேயான மூன்றாவது டெஸ்ட் போட்டி பகலிரவு ஆட்டமாக ஜமைக்காவில் நடைபெற்றது. இப்போட்டியில் டாஸை இழந்து முதலில் பேட்டிங் செய்த ஆஸ்திரேலிய அணி முதல் இன்னிங்ஸில் 225 ரன்களில் ஆல் அவுட்டான நிலையில், வெஸ்ட் இண்டீஸ் அணி முதல் இன்னிங்ஸில் 143 ரன்களை மட்டுமே எடுத்து ஆல் அவுட்டானது. இதன்மூலம் ஆஸ்திரேலிய அணி முதல் இன்னிங்ஸில் 80 ரன்கள் முன்னிலைப் பெற்றது.

பின்னர் இரண்டாவது இன்னிங்ஸில் ஆஸ்திரேலிய அணி 121 ரன்களில் ஆல் அவுட்டாகி 202 ரன்கள் என்ற இலக்கை நிர்ணயித்தது. இதையடுத்து இலக்கை நோக்கி விளையாடிய வெஸ்ட் இண்டீஸ் அணி வெறும் 27 ரன்களில் ஆல் அவுட்டானதுடன் 176 ரன்கள் வித்தியாசத்தில் படுதோல்வியைச் சந்தித்தது. ஆஸ்திரேலிய அணி தரப்பில் அபாரமான பந்துவீச்சை வெளிப்படுத்திய மிட்செல் ஸ்டார்க் 6 விக்கெட்டுகளையும், ஸ்காட் போலண்ட் ஹாட்ரிக் விக்கெட்டுகள் உள்பட 3 விக்கெட்டுகளையும் வீழ்த்தினார்.

மேலும் இப்போட்டியில் சிறப்பான பந்துவீச்சை வெளிப்படுத்தியதன் காரணமாக ஆஸ்திரேலிய வேகப்பந்து வீச்சாளர் மிட்செல் ஸ்டார்க் ஆட்டநாயகன் விருதை வென்றதுடன், இந்த தொடருக்கான தொடர் நாயகன் விருதையும் வென்றார். இந்நிலையில் இப்போட்டியின் போது மிட்செல் ஸ்டார்க் மூன்றாவது இன்னிங்ஸில் தனது விக்கெட்டை கைப்பற்றிய ஜெய்டன் சீல்ஸின் விக்கெட்டை அதே பாணியில் கைப்பற்றி அவருக்கு பதிலடி கொடுத்திருந்தார். 

அதன்படி ஆஸ்திரேலிய அணியின் முதல் இன்னிங்ஸின் போது வெஸ்ட் இண்டீஸ் தரப்பில் 68ஆவது ஓவரை ஜெய்டன் சீல்ஸ் வீழ்த்தினார். அப்போது அந்த ஓவரின் கடைசி பந்தில் ஆஸ்திரேலிய வீரர் மிட்செல் ஸ்டார்க்கை ஜெய்டன் சீல்ஸ் க்ளீன் போல்டாக்கியதுடன், விக்கெட் வீழ்த்தியதை ஆக்ரோஷமாக கொண்டாடியும், ஒரு சில வார்த்தைகளை கூறியும் தனது மகிழ்ச்சியை வெளிப்படுத்தி இருந்தார். ஆனால் அதற்கு ஸ்டார்க் எந்தவொரு பதிலும் கூறாமல் பெவிலியனுக்கு திரும்பினார். 

Also Read: LIVE Cricket Score

அதன்பின் வெஸ்ட் இண்டீஸ் அணி இலக்கை நோக்கி விளையாடிய தருணத்தில் இன்னிங்ஸின் 15ஆவது ஓவரை மிட்செல் ஸ்டார்க் வீசினார். அப்போது அந்த ஓவரின் மூன்றாவது பந்தை ஜெய்டன் சீல்ஸ் எதிர்கொண்ட நிலையில் ஸ்டார்க் தனது அபாரமான யார்க்கர் மூலம் அவரை க்ளீன் போல்டாக்கியதுடன் தனது பதிலடியையும் கொடுத்தார். இந்நிலையில் மிட்செல் ஸ்டார்க் விக்கெட் வீழ்த்திய காணொளி இணையத்தில் வைரலாகி வருகிறது.