வெஸ்ட் இண்டீஸ் vs ஜிம்பாப்வே, டி20 உலகக்கோப்பை - போட்டி முன்னோட்டம் & ஃபேண்டஸி லெவன்!
எட்டாவது டி20 உலகக்கோப்பை தொடரானது ஆஸ்திரேலியாவில் விறுவிறுப்பாக நடைபெற்றுவருகிறது. இதன் முதல் சுற்றில் இன்று பி பிரிவில் இரண்டு லீக் போட்டிகள் நடக்கின்றன. இதில் இந்திய நேரப்படி பிற்பகல் 1.30 மணிக்கு நடக்கும் ஆட்டத்தில் முன்னாள் சாம்பியன் நிகோலஸ் பூரன் தலைமையிலான வெஸ்ட் இண்டீஸ் அணி, கிரேக் எர்வின் தலைமையிலான ஜிம்பாப்வேயை எதிர்கொள்கிறது.
தொடக்க ஆட்டத்தில் ஸ்காட்லாந்திடம் 42 ரன் வித்தியாசத்தில் அதிர்ச்சி தோல்வியடைந்த வெஸ்ட் இண்டீசுக்கு இது வாழ்வா-சாவா ஆட்டமாகும். இதிலும் தோற்றால் சூப்பர்12 சுற்று வாய்ப்பை ஏறக்குறைய இழக்க வேண்டியது தான்.
அதே சமயம் தனது முதல் ஆட்டத்தில் அயர்லாந்தை தோற்கடித்த ஜிம்பாப்வே 2ஆவது வெற்றிக்கு குறி வைத்து களம் காணுகிறது. இவ்விரு அணிகளும் இதுவரை மூன்று டி20 போட்டியில் நேருக்கு நேர் மோதியுள்ளன. இதில் இரண்டில் வெஸ்ட் இண்டீசும், ஒன்றில் ஜிம்பாப்வேயும் வெற்றி கண்டுள்ளன.
போட்டி தகவல்கள்
- மோதும் அணிகள் - வெஸ்ட் இண்டீஸ் vs ஜிம்பாப்வே
- இடம் - ஓவல் மைதானம், ஹாபர்ட்
- நேரம் - மதியம் 1.30 மணி (இந்திய நேரப்படி)
உத்தேச அணி
வெஸ்ட் இண்டீஸ்: கைல் மேயர்ஸ், எவின் லூயிஸ், பிராண்டன் கிங், ஷமர் ப்ரூக்ஸ், நிக்கோலஸ் பூரன்(கே), ரோவ்மேன் பவல், ஜேசன் ஹோல்டர், ஒடியன் ஸ்மித், அகேல் ஹொசைன், அல்ஸாரி ஜோசப், ஓபேட் மெக்காய்
ஜிம்பாப்வே: கிரெய்க் எர்வின் (கே), ரெஜிஸ் சகப்வா, சீன் வில்லியம்ஸ், வெஸ்லி மாதேவெரே, சிக்கந்தர் ராசா, மில்டன் ஷும்பா, ரியான் பர்ல், டோனி முனியோங்கா, வெலிங்டன் மசகட்சா, பிளஸ்ஸிங் முசரபானி, டெண்டாய் சதாரா
ஃபேண்டஸி லெவன் டிப்ஸ்
- விக்கெட் கீப்பர் - ரெஜிஸ் சகப்வா
- பேட்டர்ஸ் - எவின் லூயிஸ், பிராண்டன் கிங், ஷமர் ப்ரூக்ஸ், கிரேக் எர்வின்
- ஆல்-ரவுண்டர்கள் - சிக்கந்தர் ராசா, சீன் வில்லியம்ஸ், கைல் மேயர்ஸ்
- பந்துவீச்சாளர்கள் - ஒடியன் ஸ்மித், வெலிங்டன் மசகட்சா, டெண்டாய் சதாரா