நியூசிலாந்தில் நடைபெற்று வரும் மகளிர் ஒருநாள் உலகக்கோப்பை தொடரில் இன்று நடைபெற்ற லீக் ஆட்டத்தில் இந்தியா - பாகிஸ்தான் அணிகள் பலப்பரீட்சை நடத்தின.
இப்போட்டியில் டாஸ் வென்று முதலில் பேட்டிங் செய்த இந்திய மகளிர் அணி பூஜா வஸ்த்ரேகர், ஸ்நே ராணா ஆகியோரது சிறப்பான ஆட்டத்தின் மூலம் 50 ஓவர்கள் முடிவில் 7 விக்கெட்டுகளை இழந்து 244 ரன்களைச் சேர்த்தது.
இதில் அதிகபட்சமாக பூஜா வஸ்த்ரேகர் 67 ரன்களையும், ஸ்நே ராணா 53 ரன்களையும் சேர்த்தனர்.
இதையடுத்து இலக்கை துரத்திய பாகிஸ்தான் அணி ஆரம்பம் முதலே சீராண இடைவெளையில் விக்கெட்டுகளை இழந்து தடுமாறியது.
அந்த அணியின் தொடக்க வீராங்கனை சித்ரா அமீன் மட்டும் ஓரளவு தாக்குப்பிடித்து 30 ரன்களைச் சேர்த்தார். மற்ற வீராங்கனைகள் சொற்ப ரன்களில் ஆட்டமிழந்தனர்.
இதனால் 43 ஓவர்களில் பாகிஸ்தான் அணி அனைத்து விக்கெட்டுகளை இழந்து 137 ரன்களை மட்டுமே எடுத்தது. இந்திய அணி தரப்பில் ராஜஸ்வரி கெய்க்வாட் 4 விக்கெட்டுகளைக் கைப்பற்றினார்.
இதன்மூலம் இந்திய மகளிர் அணி 107 ரன்கள் வித்தியாசத்தில் பாகிஸ்தானை வீழ்த்தி, உலகக்கோப்பை தொடரை வெற்றியுடன் தொடங்கியுள்ளது.