Zimbabwe vs New Zealand Test Series 2025: ஜிம்பாப்வே அணிக்கு எதிரான முதல் டெஸ்ட் போட்டியில் இருந்து கிளென் பிலீப்ஸ் விலகியதை அடுத்து, அவருக்கு பதிலாக மைக்கேல் பிரேஸ்வெல் அணியில் சேர்க்கப்பட்டுள்ளார்.
நியூசிலாந்து அணி ஜிம்பாப்வேவில் சுற்றுப்பயணம் செய்து இரண்டு போட்டிகள் கொண்ட டெஸ்ட் தொடரில் விளையாடவுள்ளது. அந்தவகையில் இவ்விரு அணிகளுக்கும் இடையேயான இந்த டெஸ்ட் தொடரானது எதிர்வரும் ஜூலை 30ஆம் தேதி முதல் தொடங்கவுள்ளது. இதில் முதல் டெஸ்ட் போட்டி ஜூலை 30ஆம் தேதியும், இரண்டாவது டெஸ்ட் போட்டி ஆகஸ்ட் 07ஆம் தேதியும் புலவாயோவில் உள்ள குயின்ஸ் ஸ்போர்ட்ஸ் கிளப் மைதானத்தில் நடைபெறவுள்ளது.
இந்த தொடருக்கான நியூசிலாந்து டெஸ்ட் அணி சமீபத்தில் அறிவிக்கப்பட்டிருந்தது. டாம் லேதம் தலைமையிலான இந்த டெஸ்ட் அணியில் அறிமுக வீரர் மேத்யூ ஃபிஷருக்கு வாய்ப்பு வழங்கப்பட்டுள்ளது. அதேசமயம் நியூசிலாந்து அணியின் முன்னாள் கேப்டன் கேன் வில்லியம்சன்னிற்கு இந்த தொடரில் ஓய்வளிக்கப்பட்டுள்ளது. அதேசமயம் மைக்கேல் பிரேஸ்வெல்லும் தனிப்பட்ட காரணங்களால் இத்தொடரில் விளையாடவிலலை என்று அறிவிக்கப்பட்டிருந்தது.
இந்நிலையில் ஜிம்பாப்வே அணிக்கு எதிரான முதல் டெஸ்ட் போட்டியில் இருந்து கிளென் பிலீப்ஸ் விலகியுள்ளார். முன்னதாக அமெரிக்காவில் நடைபெற்று வந்த மேஜர் லீக் கிரிக்கெட் தொடரின் போது கிளென் பிலீப்ஸ் காயத்தை சந்தித்தார். இதன் காரணமாக முத்தரப்பு டி20 தொடரில் இருந்து விலகிய கிளென் பிலீப்ஸ் தற்சமயம் ஜிம்பாப்வே டெஸ்ட் தொடரிலும் இருந்து விலகவுள்ளதாக தகவல்கள் வெளியாகியுள்ளன.
இதனையடுத்து ஜிம்பாப்வேவுக்கு எதிரான முதல் டெஸ்ட் போட்டியில் விளையாடும் நியூசிலாந்து அணியில் மைக்கேல் பிரேஸ்வெல் சேர்க்கப்பட்டுள்ளார். நியூசிலாந்து அணிக்காக இதுவரை 8 டெஸ்ட் போட்டிகளில் விளையாடியுள்ள பிரேஸ்வெல் பேட்டிங்கில் 259 ரன்களையும், பந்துவீச்சில் 24 விக்கெட்டுகளையும் வீழ்த்தியுள்ளார். இதனால் கிளென் பிலிப்ஸுக்கு ஏற்ற சாரியான மாற்று வீரராகவும் பிரேஸ்வெல் கருதபடுகிறார்.
நியூசிலாந்து டெஸ்ட் அணி: டாம் லாதம் (C), டாம் பிளண்டெல், டெவன் கான்வே, ஜேக்கப் டஃபி, மேத்யூ ஃபிஷர், மேட் ஹென்றி, டேரில் மிட்செல், ஹென்றி நிக்கோல்ஸ், வில் ஓ'ரூர்க், அஜாஸ் படேல், மைக்கேல் பிரேஸ்வெல், ராச்சின் ரவீந்திரா, மிட்செல் சாண்ட்னர், நாதன் ஸ்மித், வில் யங்
Also Read: LIVE Cricket Score
ஜிம்பாப்வே டெஸ்ட் அணி: கிரேக் எர்வின் (கேப்டன்), பிரையன் பென்னட், தனகா சிவாங்கா, பென் கரண், ட்ரெவர் குவாண்டு, ராய் கையா, தனுனுர்வா மகோனி, கிளைவ் மடாண்டே, வின்சென்ட் மசெகேசா, வெலிங்டன் மசகட்ஸா, பிளஸ்ஸிங் முசரபானி, நியூமன் நியாம்ஹுரி, சிக்கந்தர் ராசா, தஃபட்ஸ்வா சிகா, நிக்கோலஸ் வெல்ச், சீன் வில்லியம்ஸ்.