முதல் போட்டியிலேயே வரலாற்று சாதனை நிகழ்த்திய படிக்கல்!
இலங்கை அணிக்கெதிரான இரண்டாவது டி20 போட்டியில் இந்திய அணிக்காக அறிமுகமான தேவ்தத் படிக்கல் வரலாற்றுச் சாதனை ஒன்றை நிகழ்த்தியுள்ளார்.
இந்தியா - இலங்கை அணிகளுக்கு இடையேயான 2ஆவது டி20 போட்டி கொழும்பு மைதானத்தில் நடைபெற்றது. இந்த போட்டியில் குர்னால் பாண்டியா கரோனா தொற்றால் பாதிக்கப்பட்டதன் காரணமாக அவருடன் நெருங்கிய தொடர்பில் இருந்த 9 வீரர்கள் அணியில் இருந்து வெளியேற்றப்பட்டுள்ளனர். அதன்படி நேற்றைய போட்டிக்கான இந்திய அணியில் ஏகப்பட்ட மாற்றங்கள் வந்துள்ளன.
அதிலும் குறிப்பாக இஷான் கிஷான், சூரியகுமார் யாதவ், ஹார்திக் பாண்டியா, தீபக் சஹர் மற்றும் பிரித்வி ஷா ஆகியோருக்கு பதிலாக புதுமுக வீரர்கள் தேவ்தத் படிக்கல், நிதீஷ் ராணா, ருதுராஜ் கெய்க்வாட், சக்காரியா ஆகியோர் அறிமுக வீரர்களாக விளையாடினர்.
Trending
இந்த போட்டியின்போது 3ஆவது வீரராக களம் இறங்கிய அறிமுக வீரர் படிக்கல் 23 பந்துகளில் 1 பவுண்டரி மற்றும் ஒரு சிக்சருடன் 29 ரன்கள் எடுத்து ஆட்டமிழந்தார்.
இருப்பினும் அவர் இந்த போட்டியில் அறிமுகமானதன் மூலம் இந்திய கிரிக்கெட் வரலாற்றில் மிக முக்கியமான சாதனை ஒன்றை படிக்கல் நிகழ்த்தியுள்ளார். அந்த சாதனை யாதெனில் 2000ஆவது ஆண்டிற்கு பிறகு பிறந்த வீரர்களில் இந்திய அணிக்காக அறிமுகமான முதல் வீரர் என்ற பெருமையை அவர் பெற்றுள்ளார்.
அதன்படி 2000வது ஆண்டின் ஜூலை மாதம் 7ஆம் தேதி பிறந்த இவர் தற்போது 2000வது ஆண்டில் பிறந்து இந்திய அணியில் அறிமுகமான முதல் வீரர் என்ற பெருமையை தற்போது படைத்துள்ளார். மகளிர் கிரிக்கெட்டில் ஏற்கனவே இந்த சாதனையை ஷபாலி வர்மா படைத்து இருந்தாலும், ஆண்கள் கிரிக்கெட் சார்பில் இந்த சாதனையை படைக்கும் முதல் வீரராக படிக்கல் தற்போது மாறியுள்ளது குறிப்பிடத்தக்கது.
Win Big, Make Your Cricket Tales Now
