அபுதாபி டி10 லீக் 2023: ஸஸாய், லிவிஸ் அதிரடி; அபுதாபியை வீழ்த்தி நார்த்தன் வாரியர்ஸ் வெற்றி!
டீம் அபுதாபி அணிக்கெதிரான டி10 லீக் போட்டியில் நார்த்தன் வாரியர்ஸ் அணி 10 விக்கெட் வித்தியாசத்தில் அபார வெற்றியைப் பதிவுசெய்து அசத்தியது.
அதன்படி களமிறங்கிய அபுதாபி அணிக்கு டாம் பாண்டன் - அலெக்ஸ் ஹேல்ஸ் இணை அதிரடியான தொடக்கத்தைக் கொடுத்து அடித்தளம் அமைத்துக்கொடுத்தனர். இதில் அலெக்ஸ் ஹேல்ஸ் 20 ரன்களுக்கு ஆட்டமிழக்க, மறுபக்கம் சிறப்பான ஆட்டத்தை வெளிப்படுத்திய பாண்டன் 33 ரன்களுக்கு ஆட்டமிழந்தார்.
Trending
அதனைத்தொடர்ந்து களமிறங்கிய வீரர்களும் அடுத்தடுத்து சொற்ப ரன்களுக்கு விக்கெட்டை இழந்து பெவிலியன் திரும்ப, 10 ஓவர்கள் முடிவில் டீம் அபுதாபி அணி 7 விக்கெட்டுகளை இழந்து 103 ரன்களை எடுத்தது. வாரியர்ஸ் அணி தரப்பில் சிறப்பாக பந்துவீசிய தப்ரைஸ் ஷம்ஸி 2 விக்கெட்டுகளைக் கைப்பற்றினார்.
இதையடுத்து இலக்கை நோக்கி களமிறங்கிய வாரியர்ஸ் அணிக்கு கென்னர் லிவிஸ் - ஹஸ்ரதுல்லா ஸஸாய் இணை அதிரடியாக விளையாடி அணியின் ஸ்கோரை மளமளவென உயர்த்தினர். இதில் அபார ஆட்டத்தை வெளிப்படுத்திய ஹஸ்ரதுல்லா ஸஸாய் அரைசதம் கடந்து அசத்தினார்.
இதன்மூலம் நார்த்தன் வாரியர்ஸ் அணி 9 ஓவர்களில் இலக்கை எட்டியதுடன் 10 விக்கெட் வித்தியாசத்தியாசத்தில் டீம் அபுதாபி அணியை வீழ்த்தி அபார வெற்றியைப் பதிவுசெய்து அசத்தியது. இதில் இறுதிவரை ஆட்டமிழக்காமல் இருந்த ஹஸ்ரதுல்லா ஸஸாய் 52 ரன்களையும், கென்னர் லிவிஸ் 46 ரன்களையும் சேர்த்து அணிக்கு வெற்றியைத் தேடிக்கொடுத்தனர்.
Win Big, Make Your Cricket Tales Now
