இந்திய டெஸ்ட் அணிக்கு தேர்வான ஆகாஷ் தீப்!
இங்கிலாந்து அணிக்கெதிரான கடைசி மூன்று டெஸ்ட் போட்டிக்கான இந்திய அணியில் அறிமுக வீரர் ஆகாஷ் தீப் தேர்வு செய்யப்பட்டுள்ளார்.
பென் ஸ்டோக்ஸ் தலைமையிலான இங்கிலாந்து அணி இந்தியாவில் சுற்றுப்பயண் மேற்கொண்டு 5 போட்டிகள் கொண்ட டெஸ்ட் தொடரில் விளையாடி வருகிறது. இதில் நடைபெற்று முடிந்த முதல் இரண்டு போட்டிகளின் முடிவில் இரு அணிகளும் தலா ஒரு வெற்றி என 1-1 என்ற கணக்கில் தொடரை சமன்செய்துள்ளன. இந்நிலையில் இரு அணிகளுக்கும் இடையேயான மூன்றாவது டெஸ்ட் போட்டி பிப்ரவரி 15ஆம் தேதி ராஜ் கோட்டியில் நடைபெறவுள்ளது.
இந்நிலையில் இத்தொடரின் எஞ்சியுள்ள மூன்று போட்டிகளுக்கான இந்திய அணி இன்று அறிவிக்கப்பட்டுள்ளது. இதில் நட்சத்திர வீரர் விராட் கோலி தனிப்பட்ட காரணங்களுக்காக எஞ்சியுள்ள போட்டிகளிலிருந்து விலகியுள்ளார். மேலும் சமீப காலமாக தடுமாறி வரும் ஸ்ரேயாஸ் ஐயரும் இந்திட டெஸ்ட் அணியிலிருந்து அதிரடியாக நீக்கப்பட்டுள்ளார். இந்நிலையில் அறிமுக வீரர் ஆகாஷ் தீப்க்கிற்கு இந்திய டெஸ்ட் அணியில் வாய்ப்பு கிடைத்துள்ளது.
Trending
கடந்த 2019ஆம் ஆண்டு பெங்கால் அணிக்காக சையீத் முஷ்டாக் அலி கோப்பை தொடரில் அறிமுகமான இவர், தனது சிறப்பான பந்துவீச்சின் மூலம் கவனத்தை ஈர்த்ததுடன் ஐபிஎல் தொடரில் ராயல் சேலஞ்சர்ஸ் பெங்களூரு அணிக்காகவும் விளையாட தேர்வுசெய்யப்பட்டார். அதன்படி ஐபிஎல் தொடரில் இதுவரை 7 போட்டிகளில் விளையாடியுள்ள ஆகாஷ் தீப் அதில் 7 விக்கெட்டுகளைக் கைப்பற்றியுள்ளார்.
இதனைத்தொடர்ந்து அவர் இங்கிலாந்து லையன்ஸ் அணிக்கெதிரான இந்திய ஏ அணியில் இடம்பிடித்ததுடன், அதில் சிறப்பான ஆட்டத்தை வெளிப்படுத்தி அசத்தினார். இதன்மூலம் அவருக்கு இந்திய டெஸ்ட் அணியில் தற்போது இடம் கிடைத்துள்ளது. இந்நிலையில் இந்திய அணிக்காக தேர்வு செய்யப்பட்டுள்ள ஆகாஷ் தீப்பிற்கு பல்வேறு தரப்பிலிருந்தும் வாழ்த்துகள் குவிந்து வருகின்றன.
Win Big, Make Your Cricket Tales Now
