SA20 League: டர்பன் சூப்பர் ஜெயண்ட்ஸை வீழ்த்தி பிரிட்டோரியா கேப்பிட்டல்ஸ் அசத்தல் வெற்றி!

டர்பன் சூப்பர் ஜெயண்ட்ஸுக்கு எதிரான எஸ் ஏ20 லீக் ஆட்டத்தில் பிரிட்டோரியா கேப்பிட்டல்ஸ் அணி 8 விக்கெட் வித்தியாசத்தில் அபார வெற்றியைப் பதிவுசெய்தது.

Another easy win for the table-toppers in SA20 against Durban Super Giants! (Image Source: Google)

தென் ஆப்பிரிக்க டி20 லீக் தொடர் தற்போது நடைபெற்று வருகிறது. தென் ஆப்பிரிக்க டி20 லீக் தொடரின் 15ஆவது லீக் போட்டியில் டர்பன் சூப்பர் ஜெய்ண்ட்ஸ், பிரிடோரியா கேபிடல்ஸ் ஆகிய அணிகள் மோதின. இப்போட்டியில் டாஸ் வென்ற டர்பன் சூப்பர் ஜெய்ண்ட்ஸ் அணி முதலில் பேட்டிங்கை தேர்வு செய்தது.

முதலில் களமிறங்கிய டர்பன் சூப்பர் ஜெய்ண்ட்ஸ் அணியில் ஓபனர் கைல் மேய்ர்ஸ் பர்னல் பந்துவீச்சில், கோல்டன் டக் ஆனார். தொடர்ந்து முல்டர் 5 விக்கெட்டையும் பர்னல் எடுத்துக் கொடுத்தார்.

அடுத்து கேப்டன் குயின்டன் டி காக் 13 நோர்ட்ஜே வேகத்தில் போல்ட் ஆனதைத் தொடர்ந்து, ஹென்ரிச் கிளாசென் 31 ரன்களைச் சேர்த்து ஓரளவுக்கு சிறப்பாக விளையாடி ஆதில் ரஷித் பந்துவீச்சில் போல்ட்டாகி நடையைக் கட்டினார். இதனால், டர்பன் அணி  20/3 என படுமோசமாக திணறியது.

அதனைத் தொடர்ந்து ஜேசன் ஹோல்டர் 10, ஜன்கர் 1 , டுவைன் பிரிடோரியஸ் 4 ஆகிய பலமிக்க மிடில் வரிசை வீரர்களை, தென் ஆப்பிரிக்க வாழ் தமிழர் ஷெனுரான் முத்துச்சாமி எடுத்து அசத்தினார். அடுத்து, டெய்ல் என்டர்ஸ் மகாராஜ் 5 (16) போன்றவர்கள் ஒற்றை இலக்க ரன்களை மட்டும்தான் அடித்தார்கள்.

இதனால், டர்பன் சூப்பர் ஜெய்ண்ட்ஸ் அணி 18.1 ஓவர்களில் அனைத்து விக்கெட்டுகளையும் இழது 80 ரன்களை மட்டுமே சேர்த்தது. இதில் அபாரமாக பந்துவீசிய முத்துச்சாமி 4 ஓவர்களில் 12 ரன்களை மட்டும் விட்டுக்கொடுத்து, 3 விக்கெட்களை கைப்பற்றி அசத்தினார்.

இலக்கை துரத்திக் களமிறங்கிய பிரிடோரியா கேப்பிட்டல்ஸ் அணியில் தொடக்க வீரர் பிலிப் சால்ட் 0 (1) கெய்ல் மேய்ர்ஸ் பந்துவீச்சில் கோல்டன் டக் ஆனார். தொடர்ந்து வில் ஜாக்ஸ் 56 (25), தெனுஸ் டி ப்ரௌன் 21 (19) ஆகியோர் சிறப்பாக விளையாடி அணியின் ஸ்கோரை மளமளவஎ உயர்த்தினர். 

இதன்மூலம், பிரிடோரியா கேப்பிட்டல்ஸ் அணி 7.4 ஓவர்களில் இலக்கை எட்டி, 8 விக்கெட்கள் வித்தியாசத்தில் டர்பன் சூப்பர் ஜெயண்ட்ஸை வீழ்த்தி அபார வெற்றியைப் பெற்றது. மூன்று விக்கெட்களை கைப்பற்றி அசத்திய முத்துச்சாமிக்கு ஆட்ட நாயகன் விருது வழங்கப்பட்டது.

Win Big, Make Your Cricket Tales Now