மீண்டும் சர்ச்சையை கிளப்பிய ஊர்வசி ரவுத்தேலாவின் சமூக வலைதளப் பதிவு!

இந்திய கிரிக்கெட் வீரர் ரிஷப் பந்திற்காக நடிகை ஊர்வசி ரவுத்தேலா செய்த ஒரு விஷயத்தால் ரசிகர்கள் விமர்சித்து வருகின்றனர்.

As Urvashi Rautela reaches Australia ahead of T20 World Cup, Rishab Pant fans share hilarious memes (Image Source: Google)

ரிஷப் பந்த் - ஊர்வசி ரவுத்தேலா ஆகியோர் கடந்த 2018ஆம் ஆண்டு காதலித்து வந்ததாக தகவல்கள் பரவின. எந்தவித சத்தமும் இன்றி இவர்கள் பிரிந்துவிட்ட போதும், ரிஷப் பண்ட் குறித்து சமீபத்தில் ஊர்வசி கூறிய கருத்தால் பிரச்சினை வெடித்தது.

அதாவது, ஆர்.பி என்ற ஒரு நபர் தன்னை காண நீண்ட நேரம் காத்திருந்துள்ளார். தன்னுடன் பேச 16, 17 முறை கால் செய்துள்ளதாகவும் கூறினார். அந்த ஆர்.பி என்பது ரிஷப் பந்த் தான் என கூறப்பட்டது. இதற்கு பதிலடி கொடுத்த பண்ட், விளம்பரத்திற்காக இவ்வளவு கேவலமாக பொய் கூறுகிறார்கள், யாரும் நம்பாதீர்கள் எனக்கூறினார். இதனையடுத்து ஊர்வசியும் பதில் கொடுக்க பிரச்சினை வெடித்தது.

இந்நிலையில் எந்த பிரச்சினையுமே நடக்காதது போன்று ஊர்வசி ஒரு விஷயத்தை செய்துள்ளார். அதாவது சொகுசு விமானத்தில் ஆஸ்திரேலியாவுக்கு செல்வது போன்று புகைப்படத்தை பதிவிட்டுள்ள அவர், அதில் என்னுடைய காதலுக்காக ஆஸ்திரேலியா செல்கிறேன் எனக்குறிப்பிட்டிருக்கிறார். அவர் காதல் என ஹார்ட் எமோஜியாக குறிப்பிட்டிருப்பது ரிஷப் பந்தை தான் என கூறப்படுகிறது.

இந்திய அணி டி20 உலகக்கோப்பை கிரிக்கெட் தொடருக்காக ஆஸ்திரேலியா சென்றுள்ளது. அந்த அணியில் ரிஷப் பந்தும் சென்று பயிற்சி பெற்று வருகிறார். இதனால் ரிஷப் பந்தை பார்க்க தான் ஊர்வசி செல்கிறார் என ரசிகர்கள் உறுதிப்படுத்தி வருகின்றனர். மற்றொரு புறம் கடும் விமர்சனங்களும் குவிந்து வருகின்றன.

"ரிஷப் பந்த் அவ்வளவு கேவலமாக பதிலடி கொடுத்தும், எப்படி சுயமரியாதை இன்றி ஆஸ்திரேலியா செல்கிறார்?? அதுவும் சமூக வலைதளங்களிலும் பதிவிட்டு வருகிறார்" என ரசிகர்கள் படு மோசமாக விமர்சித்து வருகின்றனர். ஊர்வசி ஏற்கனவே பந்தின் பிறந்தநாளுக்காக வாழ்த்து பதிவு போட்டிருந்தது குறிப்பிடத்தக்கது.

Win Big, Make Your Cricket Tales Now