AUS vs ENG, 5th Test: ட்ராவிஸ் ஹெட்டின் சதத்தால் தப்பிய ஆஸ்திரேலியா!
இங்கிலாந்துக்கு எதிரான கடைசி டெஸ்ட் போட்டியின் முதல் நாள் ஆட்டநேர முடிவில் ஆஸ்திரேலிய அணி 6 விக்கெட் இழப்பிற்கு 241 ரன்களைச் சேர்த்தது.
இப்போட்டியில் டாஸ் வென்ற இங்கிலாந்து அணி முதலில் பந்துவீச தீர்மானித்தது. அதன்படி களமிறங்கிய ஆஸ்திரேலிய அணியில் டேவிட் வார்னர் (0), உஸ்மான் கவாஜா (9), ஸ்டீவ் ஸ்மித் (0) என அடுத்தடுத்து விக்கெட்டுகளை இழந்தனர்.
Trending
பின்னர் ஜோடி சேர்ந்த மார்னஸ் லபுசாக்னே - ட்ராவிஸ் ஹெட் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர்.
இதில் அரைசதம் அடிப்பார் என்று எதிர்பார்க்கப்பட்ட லபுசாக்னே 44 ரன்களில் ஆட்டமிழக்க, மறுமுனையிலிருந்த ட்ராவிஸ் ஹெட் சதமடித்து அசத்தினார். பின் 101 ரன்களில் ட்ராவிஸ் ஹெட்டும் ஆட்டமிழந்தார்.
அவரைத் தொடர்ந்து அரைதம் விளாசி விளையாடி வந்த கேமரூன் க்ரீன் 74 ரன்களோடு பெவிலியனுக்கு திரும்பினார். இதனால் முதல் நாள் ஆட்டநேர முடிவில் ஆஸ்திரேலிய அணி 6 விக்கெட்டுகளை இழந்து 241 ரன்களைச் சேர்த்தது.
ஆஸ்திரேலிய அணி தரப்பில் அலெக்ஸ் கேரி 10 ரன்களுடனும், மிட்செல் ஸ்டார்க் ரன் ஏதுமின்றியும் களத்தில் உள்ளனர். இங்கிலாந்து அணி தரப்பில் ஸ்டூவர்ட் பிராட், ஒல்லி ராபின்சன் தலா 2 விக்கெட்டுகளைக் கைப்பற்றினர்.
Win Big, Make Your Cricket Tales Now
