பாக்ஸிங் டே டெஸ்ட் போட்டிக்கான ஆஸ்திரேலிய அணியில் ஸ்காட் போலண்ட் சேர்ப்பு!

இங்கிலாந்துக்கு எதிரான பாக்ஸிங் டே டெஸ்ட் போட்டியில் ஆஸ்திரேலிய அணியில் அறிமுக வீரரான ஸ்காட் போலண்ட் சேர்க்கப்பட்டுள்ளார்.

ஆஸ்திரேலியா - இங்கிலாந்து அணிகளுக்கு இடையேயான பாரம்பரியமிக்கா ஆஷஸ் டெஸ்ட் தொடர் ஆஸ்திரேலியாவில் விறுவிறுப்பாக நடைபெற்று வருகிறது. 

கடந்த 8ஆம் தேதி முதல் தொடங்கிய இத்தொடரின் முதலிரண்டு போட்டிகளிலும் ஆஸ்திரேலிய அணி அபாரமான வெற்றியைப் பதிவு செய்து, 2-0 என்ற கணக்கில் தொடரில் முன்னிலை வகிக்கிறது. 

இந்நிலையில் இரு அணிகளுக்கும் இடையேயான பாக்ஸிங் டே டெஸ்ட் போட்டி மெல்போர்னில் வருகிற 26ஆம் தேதி நடைபெறுகிறது. இப்போட்டியிலும் ஆஸ்திரேலிய அணி வெற்றிபெறும் பட்சத்தில் ஆஷஸ் தொடரை தன்வசப்படுத்தும் என்பதால் இப்போட்டியின் மீதான எதிர்பார்ப்பு அதிகரித்துள்ளது. 

இதற்கிடையில் இந்த பக்ஸிங் டே டெஸ்ட் போட்டிக்கான ஆஸ்திரேலிய அணி அறிமுக வீரரான ஸ்காட் போலண்ட் சேர்க்கப்பட்டுள்ளார். வேகப்பந்து வீச்சாளரான இவர் ஆஸ்திரேலிய அணிக்காக 13 ஒருநாள், 3 டி20 போட்டிகளில் விளையாடி 17 விக்கெட்டுகளைக் கைப்பற்றியுள்ளார்.

ஆஸ்திரேலிய அணி : பாட் கம்மின்ஸ் (கே), ஸ்டீவ் ஸ்மித், டேவிட் வார்னர், ஸ்காட் போலண்ட், அலெக்ஸ் கேரி, கேமரூன் கிரீன், மார்கஸ் ஹாரிஸ், ஜோஷ் ஹேசில்வுட், டிராவிஸ் ஹெட், உஸ்மான் கவாஜா, மார்னஸ் லாபுசாக்னே, நாதன் லியோன், மிட்செல் ஸ்டார்க், மைக்கேல் நெசர், ஜெய் ரிச்சர்ட்சன், மிட்செல் ஸ்வெப்சன்.

Win Big, Make Your Cricket Tales Now