Advertisement
Advertisement
Advertisement

ஆசிய கோப்பை 2022: காரணமின்றி நீக்கப்பட்டுள்ள நட்சத்திர வீரர்கள்?

ஆசிய கோப்பை தொடருக்கான இந்திய அணியிலிருந்து இஷான் கிஷான், சஞ்சு சாம்சன், முகமது ஷமி ஆகியோர் தேர்வு செய்யப்படாதது ரசிகர்களை அதிர்ச்சிக்குள்ளாக்கியுள்ளது.

Bharathi Kannan
By Bharathi Kannan August 08, 2022 • 23:11 PM
Asia Cup 2022: Twitter Reacts As Mohammed Shami Misses Out The Indian Squad For The Tournament
Asia Cup 2022: Twitter Reacts As Mohammed Shami Misses Out The Indian Squad For The Tournament (Image Source: Google)
Advertisement

கடந்த 2019ஆம் ஆண்டிற்கு பிறகு ஆசியக் கோப்பை நடைபெறவுள்ளதால், இத்தொடர் மிகுந்த எதிர்பார்ப்பை ஏற்படுத்தியுள்ளது. இந்தாண்டிற்கான ஆசியக் கோப்பை தொடர் முதலில் இலங்கையில் நடைபெறும் எனத் தெரிவிக்கப்பட்டிருந்த நிலையில், ஐக்கிய அரபு அமீரகத்திற்கு இத்தொடர் இடமாற்றம் செய்யப்பட்டது.

இதனைத் தொடர்ந்து நடைபெற்ற ஆலோசனை கூட்டத்தில் ஆசியக் கோப்பை ஆகஸ்ட் 27ஆம் தேதி துவங்கும் என அதிகாரப்பூர்வமாக அறிவிக்கப்பட்டது. மேலும் இந்தியா, பாகிஸ்தான் அணிகள் மோதும் போட்டி ஆகஸ்ட் 28ஆம் தேதி நடைபெறும் எனவும் தெரிவிக்கப்பட்டது.

Trending


அக்டோபர் இறுதியில் ஆஸ்திரேலியாவில் தொடங்கும் டி20 உலகக் கோப்பைக்கான முன்னோட்டமாக ஆசியக் கோப்பையும் பார்க்கப்படுகிறது. இதனால், அனைத்து ஆசிய அணிகளும் தரமான பிளேயிங் லெவனை களமிறக்க முடிவு செய்துள்ளது. இந்திய அணியும் ஆசியக் கோப்பையில் இருந்து டி20 உலகக் கோப்பை வரை அணியை மாற்றாமல் விளையாட முடிவு செய்துள்ளதாக கூறப்பட்டதால், ஆசியக் கோப்பைக்கான அணி மிகுந்த எதிர்பார்ப்பை ஏற்படுத்தி இருந்தது.

இந்நிலையில் தற்போது ஆசியக் கோப்பைக்கான இந்திய அணி அறிவிக்கப்பட்டுள்ளது. இதில் தீபக் சஹாருக்கு வாய்ப்பு வழங்கப்படவில்லை. காயம் காரணமாக பும்ரா விலகியதால், வேஸ்ட் இண்டீஸுக்கு எதிரான டி20 தொடரில் சொதப்பிய ஆவேஷ் கான் சேர்க்கப்பட்டுள்ளார்.

ஆசியக் கோப்பைக்கான இந்திய அணி: ரோஹித் ஷர்மா (கேப்டன்), கே.எல்.ராகுல் (துணைக் கேப்டன்), விராட் கோலி, சூர்யகுமார் யாதவ், ரிஷப் பந்த், தீபக் ஹூடா, தினேஷ் கார்த்திக், ஹார்திக் பாண்டியா, ரவீந்திர ஜடேஜா, ரவிச்சந்திரன் அஸ்வின், யுஜ்வேந்திர சஹல், புவனேஷ்வர் குமார், அர்ஷ்தீப் சிங், ஆவேஷ் கான்.

இந்திய ஆசியக் கோப்பைக்கான இந்திய அணியில் இருந்து பும்ரா, ஹர்ஷல் படேல், இஷான் கிஷன், சஞ்சு சாம்சன், ஷ்ரேயஸ் ஐயர், அக்சர் படேல், தீபக் சஹார், முகமது ஷமி உள்ளிட்ட நட்சத்திர வீரர்கள் நீக்கப்பட்டுள்ளனர்.

இதில் பும்ரா, ஹர்ஷல் படேல் ஆகியோர் காயம் காரணமாக விலகியுள்ளதாக பிசிசிஐ தெரிவித்துள்ளது. ஸ்ரேயஸ் ஐயர், அக்ஸர் படேல், தீபக் சஹார் ஆகியோர் பேக்கப் வீரராக சேர்க்கப்பட்டுள்ளதாகவும் பிசிசிஐ விளக்கமளித்துள்ளது. 

இருப்பினும் இஷான் கிஷன், முகமது ஷமி, சஞ்சு சாம்சனை ஏன் சேர்க்கவில்லை என்பது குறித்து பிசிசிஐ எந்த பதிலும் தெரிவிக்கவில்லை. அதிலும் இஷான் கிஷான், சஞ்சு சாம்சன் ஆகியோராவது இங்கிலாந்து, வெஸ்ட் இண்டீஸ் தொடருக்கான அணியில் சேர்க்கப்பட்டிருந்தனர்.

ஆனால் முகமது ஷமி இதுவரை எந்தவொரு டி20 தொடருக்கும் அணியில் சேர்க்கப்படவில்லை. இதனால் இனி அவர் இந்திய டி20 அணியில் நீடிப்பாரா என்ற கேள்வி ரசிகர்களை வருத்தத்தில் ஆழ்த்தியுள்ளது.


Win Big, Make Your Cricket Tales Now

Cricket Scorecard

Advertisement
Advertisement